Ospedal Macedonio Melloni

Quest articol chì l'è scrivud in lombard, con la Noeuva Ortografia Lombarda

L'Ospedal Macedonio Melloni a l'è 'n ospedal pediatregh e di done de Milan, part de l'ASST Frati-Sach.

Storia

El nass quand che la competenza del jut ai mame e ai fiolit bandonad l'è tolta via a la Gesa e dada al Stat: del 1912 l'è vert el noeuv brefotrofi provincial in vial Picen, ciamad "Istituto Provinciale di Protezione ed Assistenza all’Infanzia". Pussee inanz ghe tachen l'Asili Materno de via Melloni, che 'l ospitava i mam in atesa in situazzion de dificoltà e 'sto compless el gh'ha un gran desvilup in tra el 1950 e 'l 1960: el ciapa el nom de "Istituto Ospedaliero Provinciale per la Maternità".

Quand che in del 1971 la gh'è la lesg de reforma ospedalera l'è fad 'me ospedal e ghe meten la prima terapia intensiva neonatal e patologia perinatal d'Italia. Del 1998, con la reforma sanitaria del Formigon, el perd la soa autonomia e 'l passa sota ai Frati.

Del 2019 a l'è el prim ospedal di done d'Italia, o ben specializad in la cura di malatie di done in d'una manera pussee specifega.

Riferiment

• La nostra storia - ASST Fatebenefratelli-Sacco
• Macedonio Melloni, primo ospedale in Italia per la salute della donna

Ligam de foeura

• Sit ofizzial