Omar Sharif

Quest articol chì l'è scrivud in lombard, con la Noeuva Ortografia Lombarda

Quella vos chi la gh'ha minga di font o inn trop poche. Per pieser, sgionta di font a la vos.
Per havégh un'ideja di altre vos senza font, vardee chichinscì.

L'Omar Sharif (in areb: Omar el-Sherif, عمر الشريف‎), nassud 'me Michel Dimitri Chalhoub (Lissandria d'Egit, 10 de april del 1932 - El Cairo, 10 de luj del 2015), a l'è stad on ator e sgiugador de bridge egizzian.

Biografia

Cressud in d'ona fameja cristiana libanesa, a partì di Agn Sessanta l'ha ciapad part a on gran numer de produzzion internazzionai, compagn de Lawrence d'Arabia (1962), El dotor Živago (1965), La nocc di generai (1967), per poeu lavorà anca in Italia e Francia. A l'ha vensgiud on bon numer de premi, per esempi el Golden Globe in del 1966 'me mejor ator dramategh, e 'l Premi César in del 2004 'me mejor ator.
El s'è sposad in del 1955 con l'atora egizziana Faten Hamama (e per 'sta reson el s'è convertid a l'Islam), e 'l g'ha 'vud on fioeul ciamad Tarek. I duu spos a s'inn spartid in del 1974. Malad de Alzheimer, a l'è mort in del 2015 per on colp al coeur.

Alter proget

Wikiquote el gh'ha dent citazzion de o su Omar Sharif
Wikimedia Commons el gh'ha dent imagin o alter archivi su Omar Sharif