Novi Grad (Sarajevo)
 |
Quell articol qì l'è scrivud in Lombard, cond l'ortografia Scriver Lombard. |
| Novi Grad (Sarajevo) Comun | |||||
|---|---|---|---|---|---|
| |||||
 | |||||
| Dats aministrativ | |||||
| Stat | Bosnia e Erzegovina | ||||
| Entità | Federazzion de Bosnia e Erzegovina | ||||
| Canton o region | Canton de Sarajevo | ||||
| Politega | |||||
| Sinegh | |||||
| Territore | |||||
| Coordinade | 43°50′56″N 18°22′16″E / 43.848889°N 18.371111°E | ||||
| OSM | 2528240 | ||||
| Superfix | 472 km² | ||||
| Abitants | ab. | ||||
| Densitaa | ab./km² | ||||
| Confin | Vogošća Municipality, Ilijaš Municipality, Novo Sarajevo, Ilidža Municipality e Istočna Ilidža | ||||
| Fus orari | UTC+01:00 | ||||
| Varie | |||||
| Localizazion | |||||
 | |||||
| Sit istituzional | |||||
Novi Grad (cir. Нови Град, "Citaa Nœva") o anca Novi Grad Sarajevo (cir. Нови Град Сарајево), soratœcc fœra de la Bosnia per destinguer-l de la citaa de la Republega Srpska, Novi Grad, a l'è un comun del Canton de Sarajevo e l'è vun dei quater comun de la capitala bosniega, Sarajevo.[1] A l'è stait fondad el 12 d'avril 1978 ind el spartir del comun plussee vegg de Novo Sarajevo. El comun el ciapa dent i quarter industriai e i nœv rion residenziai de la citaa. A l'è tacad ai comun Novo Sarajevo, Ilidža, Vogošća e Ilijaš e 'l se spantega insœ 47,2 km². A'l dé de la fondazion del consili comunal ind qell toc qì de Sarajevo i vivevan 60 mila aneme ind dexdot comunitaa locai. Poc adree dei Guerre Iugoslave, ind el ann 1991, ind el comun de Novi Grad el g'haveva una popolazion de 136.616 de i quai tuts, fœra qe 295 qe vivevan ind i duu paes picinin ciapad dent del comun, in de la Citaa de Sarajevo.
Jeografia
[Modifega | modifica 'l sorgent]Ol territori del comun de Novi Grad el se trœva in de la Pianura de Sarajevo e a l'è el toc sud-oriental del spantegad baxin de Sarajevo-Zenica, el plussee grand in de la banda dinarega. L'alteza media l'è de 500 meter sora el nivell dol mar. El pont plussee volt a l'è el bric Krstac (861 m s.n.m.) e 'l plussee bas a l'è a Reljevo, ind el nord del comun (482 m s.n.m.).
A l'è circondad de i monts Trebević e Igman a sud-ovest e ovest e del bric Hum a nord-est.[2] A l'è intraversad dei fium Miljacka, Dobrinja e Bosna e dei rial Riječica, Buća e Lepinica.
El clima a l'è continental-valliv qe mena adree el vesser-g dei cigere ind tœts i stajon de l'ann e temperature minga regolare cont una diferenza intra temperature plussee volte e plussee basse ben spantegada. I capiten despess anca i inversion termege - quand qe la vall l'è plu colda de la montagna.
In de l'era in qe la Iugoslavia l'ha avud un fort slargir-s de la popolazion, miga poc terre dedicade a l'agricoltura e dei Bosc s'inn spicinids o scomparud per lassar-g post ai edifizi residenziai.
Popolazion
[Modifega | modifica 'l sorgent]Ind el censiment d'aderenza nazionala (donca, miga la citadinanza ma el sentir personal) del 2013 el comun de Novi Grad Sarajevo el conta 118.553 abitants dei quai el 84,16% l'è de nazionalitaa bosgnaca (i bosnieg de religion islamega), el 4,17% inn croats, el 3,68% serb, el 2,99% bosnieg ma miga erzegovan, el 1,26% bosnieg-erzegovan, el 0,4% rom, el 0,09% iugoslav e 'l 1, 46% dei olter nazionalitaa. Per fin, poc plussee de do mila personne (1,77%) s'inn minga definide ind gnanca vuna nazionalitaa.[3]
Riferiments
[Modifega | modifica 'l sorgent]Olter projets
[Modifega | modifica 'l sorgent]
Wikimedia Commons el gh'ha dent imagin o alter archivi su Novi Grad, Sarajevo
