Nonziazzion (Carevasg)
La Nonziazzion l’è ona picciura a œuli del majester Michelangiol Meris de Carevasg, fenida intoren al 1608. L’è guarnada ind el Musée des Beaux-Arts de Nancy.
La picciura l’era staja dannesgiada e pœu depos restaurada pussee de ona vœulta, e quell ch’a resta de la man orisgenal del Carevasg l’è l’angiol. El trattament inlusionistegh de l’angiol – adree a sgolattà de de sora de on nigol ch’el par ch’el sortissa fœura del quader – l’è pussee Baròcch del normal per on depenc del Carevasg, ma el contrast intra la pòsa energetega del messasgee divin e la Madòna l’è on quajcòss de pròppi efficazz a nivell psicològegh. La man larga l’è tipega di quader che el Carevasg l’ha faj su de vegg.
La piccura l’era staja daja a l’Enrigh II, duca de Lorena, per mettela sora l’altar de ona gesa a Nancy, e l’è pœu staja ereditada di sò fiœu.
Descrizzion
[Modifega | modifica 'l sorgent]El depenc l’è faj su de dò figur. Se pensa che l’angiol de de sora de la Versgen el saga el Gabriell, el primm angiol a nonziàgh a la Maria de vess in crompa. I sgej che el Gabriell l’è dree a straportà inn on simbol de la Versgen. La Maria l’è in posizzion prostrada intanta che la scolta su i pian divin che Dia el gh’ha per lee. La picciura l’insubiss l’isfumaa e el tenebrisem tipegh di laorà del Carevasg, desgià che prategament tutt el quader a l’è scur scurent condemanch che per i dò figur.
Referenz
[Modifega | modifica 'l sorgent]- Gash, John (2003). Caravaggio. Chaucer. ISBN 1-904449-22-0.
- Robb, Peter (1998). M. Macmillan. ISBN 0-312-27474-2.
Ligamm de dent
[Modifega | modifica 'l sorgent]Ligamm de fœura
[Modifega | modifica 'l sorgent]
Wikimedia Commons el gh'ha dent imagin o alter archivi su Nonziazzion
