Noi con Salvini

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Noi con Salvini
Numm cont el Salvini
Logo Noi con Salvini.png
PresidentMatteo Salvini
SegretareAngelo Attaguile
VicepresidentRaffaele Volpi
StatItalia Italia
Fondazion19 de dicember del 2014
IdeolojiaPopolism
Euroscetticism
Federalism fiscal
CollocazionDrizza
CoalizionLega per Salvini Premier
ColorBloeu e giald
Sit ofiçalhttp://noiconsalvini.org
$fine
This box: view  talk  edit


Noi con Salvini (Numm cont el Salvini in lombard) l'è on partii politegh italian fondaa del Matteo Salvini el 19 de dicember del 2014. A l'è consideraa el partii fradell de la Lega Nord per el Sud Italia, el Lazio e la Sardegna.

I sò idej politegh hinn el populism, el federalism, el regionalism, l'euroscetticism e la lotta a l'immigrazzion clandestina.

El president del partii l'è 'l Salvini, el sò vice l'è 'l Raffaele Volpi, senador de la Lega e 'l segretari l'è 'l Angelo Attaguile.

Storia[Mudifega | mudìfica 'l sorgènt]

Fondazion[Mudifega | mudìfica 'l sorgènt]

Dopo di elezion europee del 2014 el Salvini l'ha parpognuu de fa su on partii fradell in del Sud Italia, indova la Lega l'è mia attiva. El 19 de dicember a l'è presentaa el partii.

In di primm mes del Partii el fa on poo de contatt: Per esempi cont el moviment neofassista CasaPound.

El consolidament[Mudifega | mudìfica 'l sorgènt]

El 8 de febrar del 2015 el Salvini el visita la sed del Partii a Palermo, e 'l domanda scusa ai sicilian per l'oeudi che la Lega l'ha avuu contra di meridionai.

El 27 de febrar NcS e la LN organizzen on event insema, cont di leader di partii locai, la Giorgia Meloni de Fratelli d'Italia - Alleanza Nazionale e 'l president de CasaPound Simone di Stefano.

A november el parla a Bologna con la Meloni e cont el Silvio Berlusconi. El Di Stefano l'è staa minga staa invitaa, e i dò partii han confermaa de vorè minga collaborà per di vision politegh different.

A nivell parlamentar el partii l'ha tolt dent Barbara Saltamartini (ex-AN/PdL/NCD), Giuseppina Castiello (ex-AN/PdL/FI) Alessandro Pagano (ex-FI/PdL/NCD), Carmelo Lo Monte (ex-DC/PPI/DE/UdC/MpA/CD/PSI), Trifone Altieri (ex-FI/PdL/FI/CR/DI) e Roberto Marti (ex-FI/PdL/FI/CR/DI).

Primm elezion[Mudifega | mudìfica 'l sorgènt]

In di elezion amministrativ del 2016 Noi con Salvini l'ha ciappaa pòcch vot, dal 1 al 5% circa, cont di pont del 7%. A Roma, cont el nomm de Lega Noi Con Salvini, l'ha ciappa el 2,7% e la candidada Giorgia Meloni l'è rivada terza e l'è rivada no al ballottagg, despoeu de la Virginia Raggi e 'l Roberto Giacchetti. Inscambi, la Lega Nord l'è 'ndada ben in del Nord, soratutt in del Veneto.

Anca a quij del 2017 i resultaa hinn staa semper in la media del 2016, intorna al 3% de media e cont di pont de l'8.5% a Ladispoli.

Ai elezion sicilian del november 2017 sostegnen el vincitor Nello Musumeci, ma la lista, insemma a Fratelli d'Italia - Alleanza Nazionale la riva al 5%, cont FdI storicament. 4%. A la fin el ciappa nissun assessor e sortiss de la maggioranza.

In di elezion politegh italian del 2018 el toeu part a la candidatura Liga per Salvini Premier insemma a la Liga Nord, al Moviment Nazional per la Sovranità e a di alter esponent del mond de la drizza.

A febrar 2018 a l'è staa vittima de on important attacch informatich che l'ha permittuu de relassà pussee de 20 GB de file ligaa al Salvini, inclus i e-mail di dirigent del moviment.

Ideja politega[Mudifega | mudìfica 'l sorgènt]

Exquisite-kfind.png Per savenn pussee, varda l'articol Matteo Salvini#Idej politegh.

Sostanzialment Noi con Salvini el recalca i idej del Matteo Salvini 'me l'euroscetticism, el regionalism, la contrarietà ai matrimoni gay, l'opposizion a l'immigrazion clandestina, la flat tax e 'l protezionism.

L'è a favor del Pont il sul Strecc de Messina.

Rieriment[Mudifega | mudìfica 'l sorgènt]

Vos correlaa[Mudifega | mudìfica 'l sorgènt]