Moviment Autonomista Bergamasch
|
Quest articol chì l'è scrivud in lombard, con la Noeuva Ortografia Lombarda |
| Moviment Autonomista Bergamasch | |
|---|---|
| Movimento Autonomista Bergamasco | |
| Guida | Guido Calderoli |
| Stat |  |
| Fondazion | 1956 |
| Asorbid da | MARL, MARP e DC |
| Ideolojia | Autonomism lombard, federalism, antifassism |
| Collocazion | Center |
| Cadrege Consili comunal de Berghem | 1 in del 1956 |
| Cadrege Consili Provincial de Berghem | 1 in del 1956 |
| $fine | |
El Moviment Autonomista Bergamasch a l'è stad un politegh politegh italian autonomista fondad ofizzialment in del 1956 del Guido Calderoli.
Storia
[Modifega | modifica 'l sorgent]El moviment autonomista de la bergamasca el sorgiss sgiamò a la fin de la segonda guerra mondial con la scritura de la Costituzzion italiana republegana in di ambient ligad al Partid Republegan Italian e al sò parlamentar Giulio Bergmann e l'era frequentad soratut di professionista de l'epoca. Sgiamò in del 1947 sorgissen di grup organizad e fann su i "Grup Autonomista Bergamasch" e 'l "Moviment Autonomie Locai" che, quand che i Region mitude dent de la Costituzzion inn minga formade, sernissen de fà sò obietiv l'ativà 'sti governi regionai chi e tachen a fà propaganda a sò favor anca in di alter region e la ghe vegn la voeuja de candidàss ai elezzion.
In del 1956 'sti grup, guidad del Calderoli, se istituissen 'me partid e se candiden in di elezzion locai de Berghem cont on simbol de 'n om che 'l se libera di cadene de la burocrazzia romana. Riessen a elesger el Guido Calderoli 'me consejer comunal, che poeu el se dimet in favor del Gianfranco Gonella e de l'Ugo Gavazzeni 'me consejer provincial.
In del 1958 el Calderoli el taca a desvilupà un proget de unificazzion de tute i forze autonomiste lombarde in del Moviment Autonomista Regional Lombard che in del fevrer del midem ann el se sgionta con di alter autonomista per dà vita al Moviment Autonomista Regional Padan che 'l corr in di elezzion de l'istess ann senza ciapà nanca on segg e cont on sbassament di vot. Per quella reson lì la pupart di autonomista la aceta un acord con la Democrazzia Cristiana per andà in di sò liste in cambi de la renonzia a l'autonomism.
La part che l'è andada no in la Democrazzia Cristiana la resta 'me "Autonomisti" cont un ciocher 'me simbol, che però la falliss in l'otegnì i vegg scagn e la se disliga poch inanz. Resten però per la pupart in politega in di agn '60 e fonden in del 1968 l'Union Autonomista d'Italia, guidad del Gavazzeni e fondada a Pontida.
Ideje politeghe
[Modifega | modifica 'l sorgent]El MAB a l'era per l'istituzzion di Region e per la soa autonomia ma minga per la secession, tant che 'l sostegniva el patriotism italian e l'autonomia local 'me manera pussee bona per mantegnì l'unità senza ris'cià 'na noeuva ditadura e 'l se fondava in su di ducument de la resistenza italiana compagn del "Programa de Milan" di Neoguelf del Moviment Guelf de Azzion, che 'l parlava sgiamò de des'centrament regional de la tassazion e di servizzi compagn di scoeule.
El sostegniva di posizzion de rispet per la coltura local e per i lengov locai, per esempi con l'ideja de fornì cont i concors nazzionai per i docent e fà gestì i scoeule ai entità locai e de obligà i dependent publegh a imprender el bergamasch o a havégh a disposizzion un interprete. El gh'eva anca di element antimeridionalista fondad in su l'ideja che 'n Pajes inscì desquilibraa in del lavorà el fuss debol e minga bon de stà in pee a longh.
Influenza in sul leghismo
[Modifega | modifica 'l sorgent]Tancc studios correlen el "mabismo" al leghismo e 'na mota de concet che inn stad poeu doperad del leghismo inn nassud in l'ambient mabista, compagn de la "gaina de l'oeuv dor", de "Bergamo nazione tutto il resto meridione" e de la retorega in favor de la resistenza italiana. Gh'eren però di diferenze minga de poch: per esempi el MAB l'era autonomista ma minga independentista, a diferenza de la Liga che l'era verta a l'independentism.
