Missa in Coena Domini
 |
Quest articol chì l'è scrivud in lombard, con la Noeuva Ortografia Lombarda |
La Missa in Coena Domini (Messa in la Zena del Signor in latin) a l'è la Messa di Vesper del Sgiovedì Sant: fada per regordà l'Ultima Zena, la principia anca el tridov pasqual.
In del rit roman al principi despess la gh'è una procession di oeuli che el vescov l'ha benedid la matina e i campane inn sonade a festa per poeu vesser ligade, vist che sonarann pu fina a Pasqua: se gh'è el rit de la lavanda di pè el se tegn in quella Messa chi. Per pussee, i ostie che se doperen in quella celebrazzion chi inn quelle che se doperarann in la celebrazzion de la Passion del Signor del dì adree, e l'Eucaristia l'è portada in procession, insema a un inn compagn del Pange lingua.
In del rit ambrosian a l'è semper dent di Vesper: l'è obligatori doperà l'orazzion eucaristega V ambrosiana e la pissida con l'Eucaristia l'è incensada e portada in procession cont el Pange lingua, e la met poeu in del tabernacol, indova che la restarà, vist che in la celebrazzion de la Passion ambrosiana se fa minga la comenion. La lavanda di pè a l'è un moment a part de la liturgia e l'è minga part de la Messa.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Missa in Coena Domini
