Michelle Hunziker

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Michelle Hunziker in del 2006

La Michelle Hunziker (Sorengh, 24 de genar 1977) l'è ona modella, atris, cantanta, dopiadris e presentadris svizzera naturalizzada italiana.
La s'è trasferida in Italia con la soa mamm quand che l'era amò 'na tosanetta, e l'è vegnuda famosa 'me modella de la marca de mudand Roberta.
L'ha scominciaa a lavorà a la television italiana in del 1995. In del 1998 l'ha sposaa el cantant Eros Ramazzoti, dal qual la gh'ha 'vuu ona tosa ciamada Aurora. La s'è separada dopo quattr'agn de matrimoni. Al dì d'incoeu la viv cont el sò noeuv moros Tommaso Trussardi, del qual el gh'ha 'vuu on'altra tosa (nassuda in del 2013) che la se ciama Sole.

In tra i sò vari lavorà, a l'è stada presentadris de Zelig per duu agn (2001-2003) insema al Claudio Bisio, de Striscia la Notizia insema a l'Ezio Greggio e del Festival de Sanremm del 2007 cont el Pippo Baudo.
L'ha condott programma televisiv anca in Germania e in Svizzera (già che la parla anca el todesch) e l'è stada atris in vari film italian e in de la sitcom Love Bugs (insema al Fabio De Luigi).

Vos corelaa[Modifega | mudìfica 'l sorgènt]