Micchetta

De Wikipedia
Salta a la navigazzion Và a cercà
Lumbard ucidental Quest articol chì l'è scrivuu in lombard, grafia milanesa.
Micchetta
Micchetta (Milano).jpg
Origen
Alter nòmmrosetta, stellina
Pòst d'origenItalia Italia
RegionLombardia
SpantegamentMilan
Dettaj
Categoriacontorno
SettorPan
 

La micchetta, cognussuda anca comè rosetta o, in del bergamasch, comè stellina[1], a l'è on tipo de pan boffaa (donca voeuj de denter) che 'l se recognoss per el tipigh stamp a stella cont "cappell" central[2][3].

Doperada assee per fà-sù di panin farcii, la micchetta de solet la perd la sò croccantezza dopo ona quaj ora da la cottura[4].

Stòria[Modifega | modifica 'l sorgent]

Spantegada comè in Lombardia, spezialment a Milan, la micchetta a l'è staa el pan di operari finn dal 1700, inquand la preparazion del pan a l'era squas tutta manuala.

Inquand la Lombardia a l'è finida sotta l'Imper Auster-Ungarigh, i funzionari imperiaj s'hinn portaa dree a Milan ona quaj novitaa alimentara (che i milanes hann ciappaa e faa lor finn a che a hinn deventaa prodott de la lor tradizion), comè el famos kaisersemmel, on panitt che gh'aveva la forma de ona rosa[4]. I resultaa a hinn staa, però, minga inscì bej perchò, a Milan, el kaisersemmel el restava minga fresch e croccant finn a la sira ma el diventava moeuj e gommos a la svelta. L'umed del clima lombard, infatt, andava tropp denter in on prodott igroscopigh comè 'l pan, a desferenzia del pussee succ clima viennes. El se doveva trà-via dal pan el móll, svoeujall, fàll deventà pussee linger, rendell "boffaa": inscì el sarïa staa croccant per pussee temp e anca pussee deligeribel. I maester panifigador milanes a hinn riussii a fà on pan inscì, creand on pan unigh e cont di caratteristigh che l'hann faa deventaa famos.

El termen "micchetta" el nass in chest period chì. Infatt, i milanes ciamaven el kaisersemmel cont el deminutiv de "micca" ossia "micchetta"[5]. La "micca" o "mica" a l'era on pan che gh'aveva on quaj spantegament in de l'Italia del nord e 'l sò nomm, in origen, el voeureva dì freguja.

In del 2007, la micchetta ha ottegnii, dal Comun de Milan, el recognossiment "De.Co." ("Denominazion Comunala")[6], daa dal Comun ai prodott gastronomigh tradizionaj milanes.

Preparazion[Modifega | modifica 'l sorgent]


Prodott simil[Modifega | modifica 'l sorgent]

A gh'hinn alter pann che gh'hann i ingredient e 'l process de lavorazion istess de la michetta, comè 'l “maggiolino” e la “tartarugaa[2].

Curiositaa[Modifega | modifica 'l sorgent]

A la micchetta a hinn ispiraa e dedicaa ona poltronna del progettista talian Gaetano Pesce e 'l grupp podistigh La Michetta, pientaa-sù in del 1971 da di prestinee milanes che gh'aveven la passion per la corsa. El grupp a l'è anmò ativ incoeu in gar amatoriaj e master de atletiga lingera.

Nòt e alter progett[Modifega | modifica 'l sorgent]

Commons-logo.svg
Wikimedia Commons
al gh'a dent roba culegada a:
  1. Pane e pizza, Touring Editore, 2004.
  2. 2,0 2,1 Pani tradizionali Lombardi. URL consultato in data 11 giugno 2014.
  3. Pane: la michetta. URL consultato in data 11 giugno 2014.
  4. 4,0 4,1 Fabiano Guatteri, La Cucina Milanese, HOEPLI EDITORE, 2004.
  5. Francesco Cherubini, Vocabolario milanese italiano 1840, tomo III
  6. Un certificato per la "Milano da mangiare" comune.milano.it

Vos ligaa[Modifega | modifica 'l sorgent]