Metropolitana de Brèsa

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
Metropolitana de Brèsa
Logo metrobs.jpeg
Tipo Metropolitana
Nasiù Itàlia
Regiù Lombardia
Teretóre Bressa
Operadùr Metro Brescia
Nömer de stasiù 17
Longhesa total 13,7 km
Mappa del servìsio

La metropolitana de Bressa l'è ona linia de metropolitana lingera automatiga che la conliga i quarter a nord de la cità de Bressa cont el center storegh e i quarter a sud-est. La dopera on sistema de straport velos sù ferr ch'a l'è tucc automatigh, inventaa e creaa da 'l Ansaldo-STS simil a chell giamò faa per la metropolitana de Copenaghen.

La linia a l'è gestida da Metro Brescia, azienda che la fà part del gropp Brescia Mobilità;[1] l'azienda che, invece, l'ha costruida a l'è la Brescia Infrastrutture, ch'a l'è de proprietaa del comun.[2]

La linia a l'è stada inaugurada e dervida el 2 de mars del 2013.[3]

Red[Mudifega | mudìfica 'l sorgènt]

La red metropolitana de Bressa a l'è componnuda domà de ona linia:

Linea Percors Inaugurazion Ultim slongament Longhezza Stazion
Logo metrobs.jpeg
Prealpin - Santa Fèmia-Bofalóra 2013 - 13,7 km 17

La longhezza total del tocch dervii, intra i stazion de Prealpin e Santa Fèmia a l'è de 13,7 km (tucc indel comun de Bressa), di quai:

  • 6 km in ona galeria profonda, scavada cont ona inscì ciamada "trapon" (TBM), in del tocch central del percors;
  • 4,7 km dent ona trincera quatada;
  • 1,3 km in su la superficia;
  • 1,7 km in su on pont soraelevaa.

Stòria[Mudifega | mudìfica 'l sorgènt]

Premess[Mudifega | mudìfica 'l sorgènt]

El cantier de la stazion de Via de la Ólta in del magg 2006

L'idea de fa su ona red de metropolitana indela cità de Bressa e indela sò proincia a l'è de cercaa dree a i agn '80, agn in di quaj in França a eren staa giamò staa costruii di metropolitan linger automatigh, ch'a el voeur dì senza conducent. La cità de Bressa, cont i sò 200.000 abitant e on'area urbana de 400.000, a l'era ona capital de proincia assee urbanizada e cont on gran trafigh da foeura e da dent el coeur de la cità.

Indel 1985, l'azienda di straport comunaj de la cità de alura, l'ASM Brescia, g'ha faa ona mozion d'on studii de fatabilidaa per on sistema integraa de straport, cont el fin de mïoraa i straport, inscì che se sarïa poduu salvaa anca l'ambient e ridù l'inquinament. Duu studii de fatabilidà a hinn staa comissionaa indel 1987 e a l'è risultaa che costruì ona metropolitana lingera a Bressa la sarïa staa la roba mïô; duu agn pussee tard a l'è staa dervida ona gara cont cinq aziend internazionaj, ma la gara chì l'è stada anulada indel 1996.

A s'è dovuu spetà fin al 2000 per avegh on'altra gara ch'a l'è stada vinciuda di compagnj Ansaldo STS, AnsaldoBreda, Astaldi e Acciona ch'aveven progettaa on sistema ch'a l'era simil a chuell de Copenaghen.

On contratt de 575 milion de euro l'è staa vinciuu da Ansaldo STS inde l'april del 2003; in del agn istess, in nuember, a hinn staa inauguraa i laor.[4].

La costruzion[Mudifega | mudìfica 'l sorgènt]

El scavament de la galeria profonda, che la corr 25 m sottaterra a l'è scominciaa indel 2006 cont ona machina todesca ciamada Tunnel boring machine (TBM, comunement ciamada anca "trapon").

Indel cors di laor a g'hinn staa tant problemm de costruzion, in particolar per i duu stazion del center storegh, indue a hinn staa troaa on quaj retrovament archeologigh ch'hann faa andà i laor de scavament pussee pianin; indela stazion de Piaza de la Vitória a hinn staa trovaa i fondament de la tor medieval, menter indela stazion de Via San Faüstì a hinn staa trovaa di tocch di mur venet de la cità (chest chì a l'è 'l motiv del cambiament del progett) ch'a hinn staa sbattuu-giò per on tocch e conservaa per on alter.

Cost[Mudifega | mudìfica 'l sorgènt]

La fermada Stazion FS

L'opra ch'a l'è costada a bon cunt 900 milion de euro, a l'è stada finanziada dal Comun de Bressa (per 67 milion), dala Region Lombardia, che l'aveva faa la legg L.R. n°13 (73 milion), da Brescia Mobilità S.p.A. (86 milion), cont on mutuo de trent'agn (240,3 milion) e da on contribuzion statal per la L. 211/92 (292 milion). In fin, indel mars del 2012, el Cipe (Comitaa Interministerial per la Programazion Economica) l'ha conceduu 71,6 milion.[5]

Critegh[Mudifega | mudìfica 'l sorgènt]

Inquand la linia a l'è stada progetada se pensava che la sarïa stada ona linia metropolitana per tutta la provincia, e minga domà per la cità, anca perchè l'era on progett assee car per domà l'area urbana de Bressa. El 24 de magg 1998 a gh'è staa on referendum consultiv insul compiment de l'opra, che, anca se l'è staa vinciuu dal "no", a l'è minga rivaa al quorum ch'el serviva: aveven votaa domà 61.000 bressan su 161.000 che averien poduu.

Anca on alter referendum, faa in del 2001, a l'è rivaa minga al quorum.

La linea[Mudifega | mudìfica 'l sorgènt]

Elencaa chì, attacch a tucc i stazion, a hinn indicaa i servizzi e anca i interscambi feroviari (se g'hinn):

El signal ch'el se troeuva dinanz a tucc i intrad
Prealpino Acesibilità per i portadur de handicap Parchegg
Casazze Acesibilità per i portadur de handicap Parchegg
Mompià Acesibilità per i portadur de handicap
Vial Öròpa Acesibilità per i portadur de handicap
Öspedal Acesibilità per i portadur de handicap
Via Marconi Acesibilità per i portadur de handicap
Via San Faüstì Acesibilità per i portadur de handicap
Piasa de la Vitória Acesibilità per i portadur de handicap
Stasiù FS Acesibilità per i portadur de handicap FS Logomi r.svg Capolinea bus extraurban
Bresciadue Acesibilità per i portadur de handicap
Via Lamarmora Acesibilità per i portadur de handicap
Via de la Ólta Acesibilità per i portadur de handicap
Poliambulànsa Acesibilità per i portadur de handicap Parchegg
San Pól Parch Acesibilità per i portadur de handicap
San Pól Acesibilità per i portadur de handicap
Sanpulì Acesibilità per i portadur de handicap Parchegg
Santa Fèmia-Bofalóra Acesibilità per i portadur de handicap Parchegg Capolinea bus extraurban

Percors[Mudifega | mudìfica 'l sorgènt]

Schema de la lignaa in di tren

Indel sò percors, da nord, se va sotta la Via Triumplina, per girà, arent al stadi, vers i Spedài Civìi.
Se traversa, poeu, el center storegh, indue gh'è anca l'interscambi cont la red feroviaria, a la stazion de Stazion FS, e se va drizz vers Bresciadue. Depos la stazion chì a gh'è on curvon vers est, sotta la Via Lamarmora.
In fin, depos d'avegh traversaa la Poliambulansa, se traversen i quarter de San Pól e Sanpulì, fin a rivaa al deposet.

I 17 stazion, 8 di quaj a hinn in ona galeria, 5 in trincera quatada, 2 in se la superficia e 2 in su d'on pont, a hinn staa progetaa (a ecezion de la stazion de Piaza de la Vitória) da l'ingegnee Lambert Cremonesi. A hinn staa pensaa comè grand spazzi a l'apert cont ona luminazion natural che la riva di grand saliber.[6] Domà i stazion de Vitória e San Faüstì, per via de la lor posizion hinn staa costruii cont on'architetura pussee tradizionala.

In tucc i stazion a g'hinn scal mobil e fiss, ascensur cont i paret trasperent ma g'hinn minga angol mort inscì ch'a l'è pussee fazzil controlaa cont telecamer de sorveglianza. Tucc i stazion a hinn anca dotaa di inscì ciamaa port de banchina Knorr-Brems ch'a se derven insemma a i port del tren.[7]

A s'è deciduu de mett minga i turnej inscì che i spiciul a poeuden intrà in di tren: a l'è in su i tren ch'el se troeuva el personal che controlen i bijett.[8]

Servizzi[Mudifega | mudìfica 'l sorgènt]

La sala de control automatiga de la metropolitana de Bressa

Bijett[Mudifega | mudìfica 'l sorgènt]

Orari de avertura[Mudifega | mudìfica 'l sorgènt]

El servizzi el scomincia a i cinq or de la matina e 'l finiss a la mezzanocc, per tuta la setimana. A partì dal 2014, per vegnì contra a i esigenz d'on pussee grand numer de gent che doperen la metropolitana, a l'è staa slongaa l'orari de avertura di venardì e di sabet del period estiv: in di dì chì, la metropolitana la sara-sù a l'ona de nott al post che a mezzanocc.[9]

Frequenz[Mudifega | mudìfica 'l sorgènt]

A partì del mars del 2014, la freguenza di tren a l'è cressuda: la freguenza di orari de ponta l'è cressuda de quatter megnuu menter fora de l'orari de ponta l'è de vott o dees megnuu. Indel period estiv el gh'è minga l'orari de ponta e la frequenza a l'è semper de vott o dees megnuu.[9]

Carateristich tecnich[Mudifega | mudìfica 'l sorgènt]

Scartament[Mudifega | mudìfica 'l sorgènt]

El scartament di binari a l'è de 1435 milimeter, ch'a l'è l'inscì ciamà "scartament normàl".

Material rodabil[Mudifega | mudìfica 'l sorgènt]

La flotta inizial de la metropolitana a l'era componnuda de 18 tren, sedes di quaj a vegniven doperaa menter duu restaven-giò in del deposet per scorta e manutenzion.

I carateristigh di tren a hinn chej elencaa chì de sotta:

  • tren articolaa cont trii cass binaa, cont dimension totaj de 39 x 2,65 m;
  • guida automatega da tut e duu i lati;
  • ses port in su ogni fianch, de la larghisia de 1,60 m;
  • 72 post per settass-giò fiss + 2 post riservaa a i portador de handicap in caroccetta + 20 strapontin (cadregh che se poeuden portà-giò);
  • cont on carich C2 a ghe stann 308 passeger in total,[10] menter cont on carigh C3 ghe ne stann 425.[10]

Sistem de sicurezza[Mudifega | mudìfica 'l sorgènt]

I parameter de sicurezza garantii da la gestion cont i calcolador a fann vicinaa minga i tren pussee de la distanza minima; a g'hinn, oltra, di sensor ch'a fann minga partì el tren se g'hinn temperatur assee alt sotta el convoj perchè ghe poeudarïen vess i condizion per el s'ciopp d'on foeugh.

Nòt e alter progett[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a:
  1. La società Metro Brescia Srl. URL consultato il 12 aprile 2013.
  2. MI.VA.. «Loggia & Metropolitana firmato il contratto». Bresciaoggi, 20 febbraio 2013. Indiriss Internet de la nutissia in data 12 aprile 2013.
  3. La metro di Brescia apre sabato 2 marzo. 5 febbraio 2013. URL consultato il 5 febbraio 2013.
  4. http://www.bresciamobilita.it/2010/11/la-metropolitana-a-brescia/
  5. «Metrobus, a Brescia arrivano 71,6 milioni dal Cipe». Giornale di Brescia, 23 marzo 2012.
  6. «Un signor metrò». Corriere della Sera, 25 novembre 2012.
  7. Westinghouse Platform Screen Doors (WPSD) - The Brescia Metro Opens for Service
  8. «Sul Metrobus con le due ruote in ascensore o ai lati delle scale=Bresciaoggi», 1º aprile 2012.
  9. 9,0 9,1 Linea Orari Mappe trasporto pubblico locale Brescia mobilita. URL consultato il 2 marzo 2014.
  10. 10,0 10,1 In baa ai indicazion de la circolar ministerial 81/1996, la grandezza d'on mezz de straport publigh la se cunta cont trii possibil configurazion: C2 (4 post per m2), C3 (6 post per m2) o C4 (8 post per m2).

Ligamm de foeura[Mudifega | mudìfica 'l sorgènt]