Mercoldì di Sender
|
Quest articol chì l'è scrivud in lombard, con la Noeuva Ortografia Lombarda |
In del rit roman el Mercoldì di Sender a l'è el dì adree del Mardì grass, e anca quand che ghe principia la Quaresma: a l'è vun di dì che la Gesa catolega la met el precet de desunà e de schivà la carna. In la messa del Mercoldì el pret el marca i fedei cont una cros de sender in su la front che, per la tradizzion, a l'è fada cont i ramet vanzad de la domenega di Oliv.
In del rit ambrosian el gh'è no: la benedizzion cont i sender l'è fada la domenega dopo, la prima de Quaresma, o el lundì, menter el desun l'è spostad al prim venerdì de quaresma. Quella roba chi la capita perchè in del rit ambrosian se cunten anca i domeneghe in la Quaresma: gh'è una tradizzion popolar milanes che la dis che l'era perchè el Sant Ambroeus l'era tornad tard de un pellegrinasg, ma a bon cunt a l'è perchè el rit de Milan a l'è compagn de quei orientai in del cuntà i domeneghe.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Mercoldì di Sender
