Mercadin de Nedal
 |
Quest articol chì l'è scrivud in lombard, con la Noeuva Ortografia Lombarda |
El mercadin de Nedal a l'è una manifestazzion comercial che la se ten intorna al temp de Nedal, donca de november a dicember, indova che gh'è di bancarelle pisinine che venden prodot regionai di artesan, dolz, mangià, souvenir e despess gh'è anca la possibilità de mangià lilinsì e di atività invernai tant 'me el patinà. L'ambientazzion la proeuva a vesser propi nedalizzia, a regordà l'inverna, el nassiment del Gesù o di alter figure tant 'me el Bobà Nedal.
Gh'hann origin in l'età de Mez in l'Europa central, soratut in Germania e Austria, e a partì del secol XX s'inn spantegad in del rest de l'Europa: gh'hann havud un bon spantegàss 'me noeuva tradizzion de l'Advent dopo la Reforma protestanta. Di voeulte inn stad oget de atentad terroristegh, squasi semper de matris islamista.
Prodot tipegh inn el pan de zenzov, el vin brulé e i fritelle de pom de terra.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Mercadin de Nedal
Wikivoyage el gh'ha dent Informazzion turisteghe su Mercadin de Nedal
