Mar Negher

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Black Sea Nasa May 25 2004.jpg

El mar Negher (en rüss: Чёрное море [Tsernoje More]; en türch: Karadeniz; en grech Μαύρη Θάλασσα; en latì e grech antìch l'ìa ciamàt apò: Pontus Euxinus e Πόντος Εὔξεινος) l'è 'n mar intèrno che fà de cunfì 'ntra l'Europa orientala e l'Asia ucidentàla, delimitàt a sudèst de l'Europa, el Càucazo e la penìzola de Anatolia (Türchìa).

El fà part, en öltema istànsa del sistéma del Océano Atlàntich al qual l'è colegàt per mès de divèrsi strècc che i la coléga al Mar Mediteràneo e al Mar Egèo: el stèt del Bòsforo el la coléga col Mar de Màrmara e 'l strèt dei Dardanèi al mar Egeo (part del Mar Mediteràneo); en piö, en óter strèt, chèl de Kerch, el la önés al Mar de Azov.

El Mar Negher el g'ha 'na superfìce de 436.350 km²[1] e 'na profondità màsima de 2.214 m[2] conden vülüm de 547.000 km³.

El fiöm piö 'mportànt che porta àiva dólsa endel Mar Négher l'è el Danubio che g'ha 'na portàda de 200 km³/an.

I paés bagnàcc del Mar Négher i è: Türchia, Bulgaria, Romania, Ucraina, Rüsia e Georgia. Le cità piö 'mportànte sö le sò spónde i è (de sudest en sènso oràre): Istambul, Burgas, Varna, Mangalia, Constansa, Odesa, Sebastopoli, Yalta, Kerch, Berdyansk, Mariupol, Taganrog, Azov, Novorossiysk, Sochi, Sujumi, Poti, Batumi, Trebizonda, Samsun, Sinope e Zonguldak.

Riferimèncc[Mudifega | mudìfica 'l sorgènt]

  1. Surface Area— ocean.udel.edu, http://www.ocean.udel.edu/blacksea/geography/index.html .
  2. Maximum Depth— ec.europa.eu, http://ec.europa.eu/environment/enlarg/blackseafactsfigures_en.htm .