Và al contegnud

Macintosh 128K

De Wikipedia
Lumbard ucidental Quest articol chì l'è scrivuu in lombard, grafia milanesa.

El Macintosh 128K l'è staa on computer venduu de la Apple da genar del 1984 a ottober del 1985. Ciamaa al principi domà Macintosh, quand che l'è sortida l'espansion con pussee RAM Macintosh 512K l'è staa renominaa per sconfondes no.

L'è 'l capostipet de la fameja di Macintosh classegh e l'ha portaa al gran publegh l'interfaccia GUI grafega, inveci de la CLI a ligna de comand. A l'è staa el primm computer a vess daa foeura cont el Mac OS classegh.

El gh'aveva 128KB de RAM, nient de Hard disk, la CPU Motorola 68000 a 7,88 MHz e 2 port seriai, 'na porta per el mouse, 'na porta per la tastadura e 'na porta per el floppy. El display l'era on CRT da 9 polles.

Vos correlaa[Modifega | modifica 'l sorgent]