Ludvik Zorzut

Quest articol chì l'è scrivud in lombard, con la Noeuva Ortografia Lombarda

El Zorzut

El Ludvik Zorzut (Medana, 24 de avost 1892 - Canal d'Isonz, 27 de avril 1977) a l'è stad un poeta, lavorador cultural e montagner sloven.

Biografia

Nassud in l'istessa cà de l'Alojz Gradnik, studia al licee classegh todesch de Gorizzia e 'l va poeu in seminari, ma el gh'ha de fermà i so studi per via de la prima guerra mondial: finida la guerra el va a viver a Maribor, indova che 'l lavorarà 'me fonzionari del 1925 al 1941. Quand che riven i todisch el scapa via e 'l torna del 1944 a Gorizzia, per lavorà con la Cros Rossa slovena e 'l va dent anca ai comitad de liberazzion.

Con la fin de la guerra el lavora per el stat 'me ricercador coltural e etnograf, e 'l lavora anca a la demarcazzion del confin in tra Italia e Jugoslavia, e 'l va anca in sgir per la Slavia forlana a fà ricerca, ma del 1949 el gh'ha de andà via de l'Italia, vist che i autorità reconosseven no la soa citadinanza italiana.

Del 1952 al 1953, quand che 'l va in pension, l'è el diretor del Musee del Gorizzian, che l'ha dad una man a fondà. 'Me autor la pupart di so test inn stad dad foeura dopo la mort, e 'l scriveva in del so dialet local.

Riferiment

• Il memoriale di Alojz Gradnik e Ludvik Zorzut

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Ludvik Zorzut