Livèll de condensa

De Wikipedia
Lumbard ucidental Quest articol chì l'è scrivuu in lombard, grafia milanesa.
On diagramma che ‘l fà vedè ‘na partìcola de aria che la va su adrée al tragìtt B-C-E confrontada con la temperadura (T) e l’umidità (Tw) de l’aria che gh’è intorna; a hinn mostràa anca i àrei de l’ CAPE e de l’CIN

El livèll de condensa (LCL de la lengua inglesa “Lifting condensation level”) a l’è l’altèzza in de l’atmosfera a la quàl ona massa d’aria ùmeda che la va su de la superfice terrèstra la taca a condensà.

La manera che de sòlit se dopera per conóss l’LCL a l’è quèlla de simulà la salida de ona massa d'aria del livèll del soeul second on procèss adiabatich sècch (o ben l’espansion a andà su in quòta per via de la sbassada de la pression senza condensa del vapor de acqua – adrée a i linej adiabategh sècch de on diagrama aerològich) fin tant che la riva nò a saturazion (o ben ind on diagramma aerològich quand che la lìnea adibatega sècca che la va su da la temperadura del soeul l’incontra l’isoigromentrica che la passa per el valor iniziàl de la temperadura de rosada osservada al soeul): quèst chì a l’è el livèll de condensa (LCL). [1]

Vos correlaa[Modifega | modifica 'l sorgent]

Riferiment[Modifega | modifica 'l sorgent]

  1. Mario Giuliacci (2010). Manuale di meteorologia (in italian). Alpha Test, 292. ISBN 88-483-1168-7.