Litrat de Carlo Rotta
|
Quest articol chì l'è scrivud in lombard, con la Noeuva Ortografia Lombarda |
El Litrat de Carlo Rotta a l'è un quader fad del Giovann Segantin per la quadraria de la Cà Granda de Milan: incoeu a l'è in mostra in del so musee.[1]
Storia
[Modifega | modifica 'l sorgent]El soget del quader a l'è el Carlo Rotta (1784-1855), savonat e pader del Giusep, benefator de l'Ospedal che, in cambi de la soa donazzion, l'ha volud un quader anca per el pader e per la mier.[1] El consili ospedaler el dà el via a la pitura el 8 de otover 1896 e ghe domanda con letera al Segantin se l'è disponibel a fàll lu e 'l aceta, con l'obietiv de consegnàll per el fevrer inanz.[2]
El rivarà in la quadraria de l'ospedal domà in l'avost del 1898, perchè gh'haveven dad el permess de portàll in mostra prima a Venezzia e poeu a Viena.[2] Vist che el Rotta l'era mort de temp, per fàll gh'hann mandad al Segantin a cà soa a Soeuj vun di so vegg litrat, vist 'me de poch valor, e di vestid, per fàgh capì i so dimension.[2]
Simbolismo
[Modifega | modifica 'l sorgent]El quader el mostra el Rotta dent de un studi, che l'è el scritor del Segantin, e che l'è cald, cont una lus che la inlumina el so vis: foeura, inveci, gh'è el fregg de la nocc d'inverna, e la lus del scritor la se conliga al lampion publegh de l'Ospedal Magior che l'inlumina i bareller e soratut la colombina, simbol de la Cà Granda.[1]