Litecoin

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Logo del Litecoin

El Litecoin (breviaa "LTC") a l'è 'na crittomoneda derivada del Bitcoin, de che la cambia l'algoritm de hashing cont el scrypt. A l'è la quinda moneda per capitalizzazion e l'è stada despess indicada 'me alternativa o addirittura successor del Bitcoin.

Storia[Mudifega | mudìfica 'l sorgènt]

L'è staa distribuii el 7 de ottober 2011 in sul GitHub del Charlie Lee, ex dipendent Google.

In del 2013 el riva a 'na capitalizzazion de 1 miliard e l'è citaa de l'Economist comè alternativa a Bitcoin.

In del 2014 a l'è sortida la version senza el bug Heartbleed.

Differenz cont el Bitcoin[Mudifega | mudìfica 'l sorgènt]

I differenz principai cont el Bitcoin, che in l'intenzion di desviluppador l'avaria faa el protocoll pussee bon, a hinn:

  • La red Litecoin la elabora on blocch in 2,5 menguu, quella Bitcoin ogni 10. A l'è donca pussee svelt de gestì, ma la Blockchain a l'è pussee granda e gh'è pussee blocch orfan
  • Litecoin dopera scrypt per el proof-of-work: ona fonzion che la domanda pussee memoria di hash classich
  • El Litecoin el pò fà 84 milion de unità, Bitcoin 1/4 de 'sto numer

Fonzionament[Mudifega | mudìfica 'l sorgènt]

El sistema a l'è gestii a nivell P2P e gh'è no on sistema centralizzaa. El massim de moneja a l'è de 84 milion de Litecoin, e la recompensa la demezza ogni 4 agn. I adress Litecoin scomincen cont la lettera "L", foeura che per quej multisig che scomincen con 3.

I operazion a hinn registraa in d'ona blockchain, a l'è giontaa on blocch ogni 2,5 megnuu. Ona transazion a l'è considerada bona dopo 6 blocch, circa dopo 15 megnuu. Per i operazion pussee piscinitt a l'è possibil che servissen men de 6 blocch per consideràj segur.

Bug famos[Mudifega | mudìfica 'l sorgènt]

El sistema di wallet multisig, ossia che i gh'ha besogn de pussee firm per permett ona transazion, a l'è copiaa intregament di Bitcoin, anca in del prefiss doperaa, ossia el "3". A l'è donca impossibil destingov in tra on'adressa multisig Bitcoin e vuna Litecoin, cont el ris'c che sien perduu i danee se di Litecoin a hinn mandaa a 'n adressa Bitcoin e viceversa.

Vos corelaa[Mudifega | mudìfica 'l sorgènt]