Linia 2 (servizzi ferroviari metropolitan de Napoli)

De Wikipedia
Lumbard ucidental Quest articol chì l'è scrivuu in lombard, grafia milanesa.
Linia 2
Tipolojia linea di metropolitana
Stats Itàlia
Territore Napoli
Vertura 1925
Ultem slongament 2014
Part de trasporti a Napoli
Linie 1
Operador Trenitalia, Metronapoli e ANM
Scartament scartament normal
N. stazion e fermade 12
Lungeza 18,9 km
Durada del percorid 55 min
Traçad
istruzion 

La linia 2 del servizzi ferroviari metropolitan de Napoli a l'è la denominazion del servizzi metropolitan M80 che 'l va in sul passant ferroviari de Napoli faa de la Trenitalia.

Storia[Modifega | modifica 'l sorgent]

A l'è inaugurada in del 1925 del regimm fassista 'me Metropolitana FS e l'è staa el primm esempi de ferrovia metropolitana in Italia.

Cronologia[Modifega | modifica 'l sorgent]

Gestor[Modifega | modifica 'l sorgent]

L'infrastruttura a l'è gestida de la RFI e i treni hinn servii de la Trenitalia. In tra 'l 2002 e 'l 2005 el servizzi a l'era faa de la Metronapoli.

Stazion e percors[Modifega | modifica 'l sorgent]

Metropolitana de Napoli
Linia 2

 Pozzuoli
 Bagnoli-Agnano Terme
 Cavalleggeri Aosta
Linia 6 - Cumana  Napoli Campi Flegrei
 Napoli Piazza Leopardi
Linia 6  Napoli Mergellina
Funicolare di Chiaia  Napoli Piazza Amedeo
Circumflegrea - Cumana  Napoli Montesanto
Linia 1  Napoli Piazza Cavour
Circumvesuviana  Napoli Piazza Garibaldi
 Napoli Gianturco
 Napoli San Giovanni-Barra
Locomotor in sul raccord

La linia 2 la conliga Pozzuoli a la zona Est de Napoli e la tocca tucc i pont nevralgich de la città cont on percors sotta terra. On binari de servizzi el conliga la stazion de Napoli Campi Flegrei a la ferrovia Cumana ma l'è no doperaa per el straport di passegee.

Progett[Modifega | modifica 'l sorgent]

Da on poo de temp a l'è in costruzion la stazion de Napoli Galileo Ferraris, de che hinn staa faa i access e la banchina, ma manchen i fond per finìlla. Se parla anca de fà 'na stazion arent de Agnano.

Servizzi[Modifega | modifica 'l sorgent]

El servizzi offert a l'è quell de treno metropolitan cont ona percorrenza de 55 menut, che in del 1938 l'era de 30 menut.

Dal dicember 2014 la tratta Pozzuoli Solfatara-Napoli San Giovanni-Barra la gh'ha l'orari cadenzaa, cont di cors ògni 15 menut pussee di treni regionai che fermen a Campi Flegrei.

A hinn attiv servizzi in su 'sti tratt:

  • Napoli San Giovanni-Barra - Pozzuoli Solfatara
  • Caserta - Napoli Campi Flegrei
  • Salerno - Napoli Campi Flegrei
  • Castellammare di Stabia - Napoli Campi Flegrei

Material rotabil[Modifega | modifica 'l sorgent]

In principi eren doperaa di composizion particolar, in di agn '60 sostituii di automotris FS ALe 803, sostituii in di agn '80 di automotris FS ALe 724. Dal 2016 a l'è scominciada la sostituzion cont i treni Jazz. Per i relazion Caserta - Napoli Campi Flegrei a hinn doperaa anca i Treni Alta Frequentazione.

Riferiment[Modifega | modifica 'l sorgent]

Vos corelaa[Modifega | modifica 'l sorgent]