Codes sorgent per Lengua lombarda

{{MILCLASS}}
{{Nota desambiguazion|la lengua germanega|[[lengua langubarda|lengua langobarda]]}}
{{lengua|nom=Lengua lombarda|nom nativ=Lombard
|Parnunzia_nativa=lumˈbɑːrt
|Oltre denominazion=Lumbaart
|familycolor=green
|rank= (?)
|fameia=[[Lengov indoeuropei]]
|nazion=Protegiuda d'ona lesg regionala in [[Lombardia]] 
|regolad= nissun
|iso1=-|iso2=roa|iso3=lmo|sil=lmo
|Stat=[[Italia]], [[Svizzera]]|Rejon=[[Europa]]|Parlant=3.500.000}}
[[Archivi:Lombard language in Europe.png|miniatura|El lombard in Europa]]
El '''lombard''' o '''lengua lombarda''' a l'è ona lengua romanza occidentala parlada principalment in [[Lombardia]] e [[diffusion del lombard foeura de la Lombardia|alter canton arent]] e, per effett de l'[[emigrazion lombarda]], anca in d'on poo de comunità del Sud America.<ref>Parlaa a [[Botuverá]], in [[Brasile]], comun fondaa da emigraa italian de la pianura in tra [[Treì|Trevigl]] e [[Crema]]. Una tesi de l'[[Università de Leiden]] su del ''Bergamasch Brasilian'': [https://openaccess.leidenuniv.nl/bitstream/handle/1887/52581/Thesis.pdf?sequence=1].</ref>

Per via de la mancanza de ona [[koiné]] i vari dialett del lombard gh'hann avuu on desvilupp independent in tra de lor, però cont el mantegnì de la [[mutua intelligibilità]] e de 'na solida bas fonetica e grammatical in comun.

El termin lengua lombarda a l'è donca doperaa per indicà el ''cluster'', ossia l'insemma di variant che fan su la lengua.

In la lenguistega italiana a l'è ciamaa despess "dialett", per el sò utilizz minga offizial e tipicament sottamiss a la [[lengua toscana]].

== Distribuzion geografica ==
{{Varda anca|Diffusion del lombard foeura de la Lombardia}}
[[File:Mappa Dialetti lombardi.svg|miniatura|Distribuzion geografega]]
El lombard a l'è parlaa in la pupart de la [[Lombardia]], foeura che 'na quaj part meridional di provincc de Pavia e Mantoa, e in del [[Canton Tesin]], in del [[Grison Italian]], in la inscì ciamada [[Lombardia svizzera]], in di provincc de Novara e VCO in Piemont e in di vaj ocidentai del Trentin.

In pratega i confin del lombard a hinn quej del [[Ducaa de Milan]] finna al [[1426]], che 'l gh'eva dent la Lombardia orientala, el Tesin e la Lombardia savojarda, terr che poeu l'ha perduu ma che l'ha tegnuu on fort influss coltural.

Per l'emigrazion el s'è spantegaa anca in [[Brasil]] e in [[Argentina]].{{netar}}

== Storia de la lengua ==
{{Varda anca|Letteradura lombarda|Letteradura milanesa|Storia de la lengua lombarda}}
[[File:Visconti XIV century - Lombard language lmo.svg|miniatura|upright=1.1|Confront intra la lengua lombarda incoeu (giald) coi domini di [[Viscont (familia)|Viscont]] in del XIV secol]]
=== Origin ===
I primm testimonianz de l'evoluzion del [[latin volgar]] de la [[Lombardia]] ja troeuvom in del secol quell de 13, cont el [[Sermon divin]] del [[Peder de Barsegapè]].

L'influenza de la [[lengua occitana]] a l'era assee forta, e tanc la drovaven inveci che el lombard, e anca quej che scerniven el lombard ghe metteven dent di occitanism.

In realtà el letteraa lombard pussee important a l'è staa el [[Bonvesin de la Riva]], autor del [[Liber di Tre Scricciur]], che 'l parla de l'aldilà e 'l mett ona prima introduzion del [[contrappass]] in la letteradura romanza.

In quej agn là, la letteradura religiosa a l'era ciarament la pussee importanta, cont di componiment 'me la Leggenda de San Bassian a [[Lod]] o el [[Mayor gremeza]] a [[Bressa]], che parlaven de [[Gesù]] o di Sant.

==== I primm citazion ====
I primm citazion del lombard, probabilment in quej agn pussee grand de la lengua d'incoeu, resalissen semper a quej agn.

La prima citazion cognossuda a l'è del 1280 in d'on test del [[Salimbene de Adam]], e se legg:

{{Quote|optime loquebatur gallice tuscice et lombardice}}

O ben "parlava ben franzes, toscan e lombard". Anca el codes poetich occitan [[Leys d'amors]] el cita el lombard insemma a di alter lengov d'Europa in la fras: "Apelam lengatge estranh coma frances, engles, espanhol, gasco, lombard".

In del 1400 di alter manzon del lombard gh'è in [[Curial e Güelfa]], indova che 'l doperà el lombard el gh'ha 'n roeul important in la trama, e in d'ona lettera scrivuda del [[Carlo de Cremona]] al Duca [[Gian Galeazz Maria Sforza]].

=== El period de mezz ===
In di secoi dopo a gh'è staa on perdes del lombard in favor del toscan, lengua favorida anca del riv di omen fiorentin de coltura a Milan voruu del [[Lodovigh el Mor]], però on quaj letteraa, comé el [[Lancin Curt]], l'ha suttaa a doperaa el lombard in di sò composizion. Semper ligaa a Lodovigh on sonett del [[1499]] in su la sò fin.

A partì del 1500 el lombard l'è staa pussee doperaa, ma a la fin del midemm secol on retorn del [[latin]] l'ha menaa tanc intellettuai, 'me el [[Carlo Boromee]], a difend e promoeuv el toscan.

In del 1610 el sortiss el [[Varon Milanes]], dizionari etimologich, compagnaa poeu del Prissian, intregament in milanes, che 'l mett i bas de la grafia milanesa classega.

=== L'età moderna ===
In tra el 1600 e 'l 1800 i figur de [[Carlo Maria Maggi]] e de [[Carlo Porta]] han cambiaa la letteradura lombarda: El primm, drammaturgh, l'ha fondaa la moderna ortografia milanesa, inveci el segond, burocrat, l'ha portaa a on nivell pussee volt la letteradura milanesa.

Di alter personn important per el Lombard a hinn staa [[Giusepp Parin]], [[Domenegh Balestree]], [[Carl'Antoni Tanz]] e [[Francesch Cherubin]], autor de on dizionari milanes e de ona antologia in 12 volum in sui oeuver milanes.

=== El 1900 ===
In del 1900 on poo de gent l'ha scrivuu in lombard, in vari maner. Poeudom cità el [[Franco Loi]], Gioann D'Anzi, Giorgio Strehler, Enzo Jannacci, Dario Fo, Nanni Svampa, Ivan Della Mea, Francesco Magni.

Al principi del 1900 di member lombard del Partii Liberal, comé el [[Bortol Belott]], scriven di poesij in Lombard.

=== Incoeu ===
{{Varda anca|Musega lombarda}}
Incoeu el lombard l'ha vist l'unega legg de tutela in sò favor, fada de la Region Lombardia a settember 2016.

A gh'è on poo de band e cantant che sonen e canten in lombard, comé el [[Dellino Farmer]] e 'l [[Longobardeath]]. A gh'è staa anca di traduzion di liber in lombard.

A gh'è staa, in di agn 2010, anca di tentativ de standardizzazion de la lengua, comé la [[Scriver Lombard]] o i adattament de la [[grafia milanesa]].

In del 2017 la [[Region Lombardia]] l'ha patrocinaa l'iniziativa de [[Spiran]] del [[Noeuv Festival de la Musica Lombarda]].

== Varietà ==
{{Varda anca|Varietà de la lengua lombarda}}
[[File:Dialet de la lengua lombarda.jpg|thumb|Varietà lombard 'me doperaa in sul Wikizionari]]
[[File:Dialetti lombardi colors.svg|thumb|La classificazion di dialett lombard per l'enciclopedia [[Treccani]]]]
Tipicamente el Lombard a l'è spartii in dò varietà:
#[[Lombard ocidental]]
#[[Lombard oriental]]
Cont division l'[[Adda]]. Al di d'incoeu a l'è tipicament giontaa el [[lombard alpin]], e di voeult a l'è anca scorporaa el [[dialett trentin ocidental]] del lombard oriental.

=== Lombard ocidental ===
El Lombard ocidental el gh'ha dent i dialett che gh'han avuu 'me dialett de riferiment el [[dialett milanes]], comé el [[dialett paves]], el [[dialett lodesan]] o 'l [[dialett tesines]].

I sò tratt tipegh a hinn:
#Evoluzion de la u latina in /y/
#Lenizion di l in di formi "olu" del latin (milanes: Fioeu, bergamasch: Fioeul)
#Elision de la e in del plural femminil (milanes: la gatta - i gatt, bergamasch: la gatta - i gatte)

=== Lombard oriental ===
El lombard oriental a l'è parlaa in quej territori de lengua lombarda ch'hinn staa governaa de Venezia. La gh'ha avuu mai on center linguistich ciar e nett.

I sò caratteristich a hinn:
#Lenizion de v e n (milanes: can, bergamasch: cà)
#Plural de t in c (gatt - gacc)
#Evoluzion de la u latina in /ø/ (milanes: unich, bergamasch: oeunegh)
#Evoluzion de la i latina in e (latin: hinc hodie, milanes: Incoeu, bergamasch: Encoeu)
#Participi in t (milanes. Parlaa, bergamasch: Parlat)

El lombard oriental, per via de la dominazion veneta, el gh'ha on poo de venetism e gh'è di formi ciappaa de la [[lengua veneta]] anca in la grammatica.

==== Trentin ocidental ====
El trentin ocidental el conserva di tratt fonetich arcaich respett del lombard oriental. Per esempi:
#La n a l'è lenida men respett al lombard oriental (lomb. occ. [ta:nt], lomb. or. [tat], giud. [tat], rend. [tant]) e la resta semper a la fin
#On quaj dialett l'ha perduu la /y/
#Conservazion di ness latin "pl" e "fl" (bergamasch: fior, Trentin ocidental: flor)

A gh'è anca di venetism per la svesinanza cont la venetofonia trentina. Per esempi "inscì" se dis "cossì", comé in veneto.

=== Lombard alpin ===
El Lombard alpin a l'è parlaa in di vaj de confin cont el [[romancc]], e l'è influenzaa del retoromanz.

I sò caratteristich a hinn:
#Despess i ness latin "cl", "pl", "gl" e "fl" a hinn guarnaa (milanes: pussee, pos'ciavin: plussee)
#A hinn guarnaa i r a l'infinii (milanes: scriv, bregajot: scrivar)

A gh'è di particolarità in di singoi dialett a nivell del plural: Se la pupart la seguiss el modell lombard, on quaj dialett el muda l'articol (per esempi la vacca - lan vacca) o dopera el suffiss -en comé in todesch: (la vacca - la vacchen)

== Morfologia e grammatica ==
===Alfabet===
{{varda anca|wiktionary:lmo:Appendix:Alfabet lombard}}<!--conligament de asgiornà semai che 'l wikizzionari l'otegnarà un so sit-->

===Costruzzion de la fras===
El Lombard, comé la pupart di [[lengov romanz]], a l'è ona [[Soggett Verb Oggett|lengua SVO]].

I verb i gh'ha quater coniugazion, che in d'on poo de dialett se resoeulven in trè realizzazion.  La negazion, foeura de on quaj cas eccezional, a l'è domà postverbal e singola. A l'è present anca la forma interrogativa cont inversion de verb e pronomm, voramai perduda in di dialett pussee cittadin.
{{varda anca|wiktionary:lmo:Appendix:Costruzzion de la fras in lombard}}<!--conligament de asgiornà semai che 'l wikizzionari l'otegnarà un so sit-->

A gh'è 8 pronomm: 7 a hinn comun a tutta la lengua, 1 a l'è tipich domà de on quaj dialett e l'è "lore", ossia la terza plural femminina.<br>
{{varda anca|wiktionary:lmo:Appendix:Pronom in lombard}} <!--conligament de asgiornà semai che 'l wikizzionari l'otegnarà un so sit-->

=== Articol ===
In Lombard a gh'è i articoi determinativ, indeterminativ e partitiv.

L'articol determinativ l'indica on soggett giamò ciar e nominaa in del descors, inveci quell indeterminativ in soggett noeuv e minga definii. El partitiv a l'è domà el plural de l'indeterminativ e 'l indica on numer indefinii de soggett: Per esempi in la fras "l'è entrada ona mosca, la mosca l'è andada in sul cavagn con dent del pan" se troeuven tucc i modalità de l'articol.

{{varda anca|wiktionary:lmo:Appendix:Articol in lombard}} <!--conligament de asgiornà semai che 'l wikizzionari l'otegnarà un so sit-->

=== Aggetiv ===
I aggettiv a hinn spartii in dò categorij:
*[[Aggettiv qualificativ]]
*[[Aggettiv determinativ]]

I aggettiv qualificativ spieghen ona qualità del soggett, e i gh'ha di grad. Tucc i alter, 'me quej de possess, a hinn determinativ.

{{varda anca|wiktionary:lmo:Appendix:Agetiv in lombard}}<!--conligament de asgiornà semai che 'l wikizzionari l'otegnarà un so sit-->

=== Singolar e plural ===
El Lombard el gh'ha on sistema plural che l'è puttost sofistegaa e variegaa e arent a quell di lengov italoromanz.

De fatt, el plural de om el presenta diferent soluzion, a segonda de la zonna e del termen. Quell de donna l'è un cicininn püssee sempliz.

On quaj esempi per el Lombard Ocidental:<BR>
El Pont, i Ponc - Tutt, tucc - Tant, tanc<BR>
El Tavolin, i Tavolitt - El Cadreghin, i Cadreghitt - El Tognin, i Tognitt <BR>
El Vegett, i Vegitt - El Martinett, i Martinitt - El Povarett, i Povaritt<BR>
L'Ann, i Agn - El Pann, i Pagn - El Dann, i Dagn<BR>
El Basell, i Basej - el Tarell, i Tarej - El Cavall, i Cavaj<BR>
El Sistema, i Sistema - El poemma, i Poemma - El Barista, i Barista<BR>
El Mur, i Mur - El Savon, i Savon -  El Moron, i Moron<BR>
El Lavandee, i Lavandee - El Sentee, i Sentee - el Pensee, i Pensee<BR>
El Fioeu (ö curta e overta), i Fioeu(j) (ö longa e streccia) - El Fasoeu(ö curta e overta),  i Fasoeu(j) (ö longa e streccia)- la Ninoeu(ö curta e overta),  i Ninoeu (ö longa e streccia)<BR>
La Massera, i masser - la Ringhera, i Ringher - la Portera, i Porter<BR>
La Tosa, i Tosann - l'Omm, i Omen - el Pè, i Pée<BR>

{{varda anca|wiktionary:lmo:Appendix:Plural_di_nom in lombard}} <!--conligament de asgiornà semai che 'l wikizzionari l'otegnarà un so sit-->

== Fonetica ==
=== Vocai ===
El Lombard el gh'ha 9 vocai parnonziaa in d'ona quaj manera differenta e a hinn:
{|class="wikitable"
!Vocal
!IPA
|-
|A
|/a/
|-
|E/EE
|/e/
|-
|È
|/ɛ/
|-
|I
|/i/
|-
|O
|/o/, /u/, /ɔ/
|-
|U
|/y/
|-
|Oeu
|/ø/, /œ/
|}

In d'on quaj dialett de confin a gh'è anca la vocal neutra [[schwa]], tipega de la [[lengua piemontesa]].

==== Longhezza ====
In la pupart di dialett lombard la longhezza vocalica la gh'ha ona quaj importanza.

In tanc dialett occidentai la definiss anca el [[participi passaa]], per esempi {{IPA|/par'la/}} l'è infinii, inveci {{IPA|/par'la:/}} l'è participi.

In d'on quaj dialett tesines e cremones, la longhezza a l'è importanta anca in mezz di paroll. Tipicament però a l'è minga scrivuda, foeura di cas di participi.

=== Consonant ===
El sistema consonantich del lombard a l'è assee normal per ona lengua romanza ocidental. Gh'è, in tucc i dialett lombard, 26 consonant, de che dò a hinn tipich di dialett particolar de la zona bressana.

== Scrittura ==
{{Varda anca|Storia de l'ortografia lombarda}}
A gh'è no, al di d'incoeu, on sistema grafich unich doperaa de la pupart di lombardofon. Finna al 1900 circa la pupart di dialett lombard la compartiva on sistema grafich arent di indicazion del [[Varon Milanes]], ma poeu tanc dialett, soratutt del lombard oriental o del Tesin, a hinn passaa a di ortografij ciappaa de l'italian.

Al di d'incoeu donca a gh'è trii sistema doperaa:
#El sistema [[ortografia classica milanesa|milanes classich]] cont i sò variant;
#I sistema fonétich, derivaa de la [[ortografia ticinesa]];
#L'ortografia polinomica [[Scriver Lombard]] e la [[Noeuva Ortografia Lombarda]].

== Recognossiment ==
El lombard a l'è recognossuu comé lengua individual de part de l'ISO, cont el codes "lmo". Anca l'UNESCO la recognoss el lombard comé lengua a ris'c de descomparì.

El lombard a l'è pienament dent de la definizion de lengua minoritaria de la [[Carta Europea di Lengov Regionai o Minoritari]], carta che però l'[[Italia]] l'ha no ratificaa, e donca la resta minga tutelata del Stat Italian. L'è inveci recognossuda e salvaguardada de la [[Region Lombardia]] dal settember 2016.

Nanca in Svizzera el lombard a l'è recognossu offizialment, anca se l'è salvaguardaa anca di orghen cantonai e federai 'me la television.

== Varda anca ==
* [[Lumbard ucidental]]
* [[Lumbard uriental]]
* [[Urtugrafia del CLL]]
* [[Storia de la lengua lombarda]]
* [[Letteradura lombarda]]

== Not ==
<references/>

== Referenz ==
*[http://patrimonilinguistici.it/la-lingua-lombarda-esiste/ La lingua lombarda esiste? - Patrimoni linguistici]
*[http://www.treccani.it/enciclopedia/dialetti-lombardi_%28Enciclopedia-dell%27Italiano%29/ Dialetti lombardi - Treccani]
*[http://www.helsinki.fi/~tasalmin/europe_index.html UNESCO RED BOOK ON ENDANGERED LANGUAGES: EUROPE]
*[http://www.treccani.it/magazine/lingua_italiana/articoli/percorsi/percorsi_105.html L'oltretomba senz'anima di Bonvesin]
*[http://www-01.sil.org/iso639-3/scope.asp Scope of denotation for language identifiers]
*[http://www.rivistaetnie.com/piemontese-110-e-lode/ Piemontese, 100 e lode]
*[http://www.unesco.org/languages-atlas/en/atlasmap/language-id-382.html UNESCO Atlas: Lombard]
*[https://books.google.it/books?id=v-ZBCgAAQBAJ&pg=PA130&dq=lombard+cluster+of+homogeneous&hl=it&sa=X&redir_esc=y#v=onepage&q&f=false Policy and Planning for Endangered Languages]
*[http://www-01.sil.org/iso639-3/documentation.asp?id=LMO lmo - SIL]

== Alter progett ==
{{Interprogett}}

== Ligamm de foeura ==
* [http://www.ti.ch/DECS/DC/cde/ Centro di dialettologia e di etnografia del Cantone Ticino] {{Webarchive|url=https://web.archive.org/web/20050921094359/http://www.ti.ch/Decs/DC/CDE/ |date=2005-09-21 }} 
* [http://associazioni.provincia.so.it/idevv/ Istituto di dialettologia e di etnografia valtellinese e valchiavennasca] {{Webarchive|url=https://web.archive.org/web/20060422040428/http://associazioni.provincia.so.it/idevv/ |date=2006-04-22 }} 
* [http://www.ti.ch/decs/dc/cde/temi/lessico.asp?menu=11 LSI - Lessico dialettale della Svizzera italiana] {{Webarchive|url=https://web.archive.org/web/20051123045803/http://www.ti.ch/decs/dc/cde/temi/lessico.asp?menu=11 |date=2005-11-23 }}
* [http://www.ti.ch/decs/dc/cde/temi/vocabolario.asp VSI - Vocabolario dei dialetti della Svizzera italiana] {{Webarchive|url=https://web.archive.org/web/20071112074808/http://www.ti.ch/decs/dc/cde/temi/vocabolario.asp |date=2007-11-12 }} 
* [http://www.ti.ch/decs/dc/CDE/temi/documentiorali.asp DOSI - Documenti orali della Svizzera italiana] {{Webarchive|url=https://web.archive.org/web/20060101003809/http://www.ti.ch/decs/dc/cde/temi/documentiorali.asp |date=2006-01-01 }} 
* [http://www.rtsi.ch/scrittori/ RTSI: Acquarelli popolari], sitt ticines cont intervist e contegnuu in ticines.
* [http://www.helsinki.fi/~tasalmin/europe_index.html#potentially Il Liber Russ de l'UNESCO sura i lenguagg in pericul: Europa. Lenguagg putenzialment in pericul], induve 'l Lumbart l'è clasificaa cume un lenguagg putenzialment in pericul.
* [http://books.google.it/books?id=W08CAAAAQAAJ&pg=PA6&dq=dialetto+ticinese&hl=it&ei=TZQjTbDVDoeSswbjy5yVCw&sa=X&oi=book_result&ct=result&resnum=1&ved=0CCUQ6AEwADg8#v=onepage&q=dialetto%20ticinese&f=false Proverbi lombardi, raccolti ed illustrati dal professore Samarani Bonifacio. Milano, 1858]
* [https://www.lingualombarda.it LinguaLombarda.it, biblioteca digitala dedicada a la produzion in lengua lombarda]
{{Lengua lombarda}}
[[Categoria:Lengov romanze]]
[[Categoria:Lengua lombarda| ]]