Lengua lepontiga

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


El Lepontich l'è 'na lengua celtica estinta, che l'era parlaa in certi part de la Rhaetia e de la Galia Cisalpina intra el 700 e el 400 prima del Signur. L'è cunusüü anca cun el nom de Celtich Cisalpin.

Se cunuss ben poch de quela lengua chì, principalment da di iscrizion descuprii a Lügan, scrivüü int un alfabet ciamaa "italich del Nord", che l'era derivaa da l'alfabet etrüsch. I iscrizion i henn stat truaa arent a la cità de Lügan e arent al Lagh de Comm e el Lagh Magiur. Di scrit cumpagn i eren druaa anca per scriv i lenguv Rhaetich e Venetich, e certi stüdius i pensen che i alfabet druvaa per scriv i lenguv germanich rünich i henn derivaa da l'istess grüp.

El Lepontich l'è stat assimilaa dal Galich, ai temp d'i insediament di tribüü Galich a nord del Po. Dop che la Repüblica Rumana l'aveva ciapaa cuntrol de la Galia Cisalpína a la fin del second secul prima del Signur, i lenguv celtich furmaa da quela assimilazion chì i han pruedüü el sustraa per la furmazion di parlad neo-latin a l'interen de l'area padana e padana-alpína.