Lengua fusiva

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda


 I lengov fusive (o lengov flessive) inn un tipo de lengov sinteteghe che se slontanten di lengov aglutinante perchè i tenden a dovrà domà un morfema per indicà pussee carateristeghe de gramatega, sintassi o semantega.

 Carateristeghe[Modifega | modifica 'l sorgent]

I lengov fusive despess dovren domà un morfema per dà foeura pussee categorie gramaticai, 'me per esempi sgener, numer o persona. Per esempi in lombard el verb ciapà a la prima persona singolara del present indicativ l'è ciapi/ciape; el sufiss -i/-e l'indica sia la prima persona singolara, sia el temp present del moeud indicativ.

Esempi de lengov indoeuropee fusive inn: el sanscrit, el pashto, el bengales, el grech, el latin, el lombard, l'italian, el frances, el spagnoeul, el venet, el sardignoeul, el todesch, l'islandes, el russ e inscì inanz.

Lengov introflessive[Modifega | modifica 'l sorgent]

I lengov introflessive indichen i diverse categorie gramaticai cont el varià i vocai de la radis de la parolla. Quei chì inn soratutu i lengov semiteghe che i gh'hann una radis triconsonantega e dent ghe se meten i afiss vocalegh. Per esempi in arab la parolla "liber" al singolar l'è kitāb, al plural kutub (de la radis consonantega k-t-b).

Bibliografia[Modifega | modifica 'l sorgent]

  • Giorgio Graffi e Sergio Scalise, Le lingue e il linguaggio, introduzione alla linguistica, 2ª ed., Bologna, Il Mulino, 2003, ISBN 88-15-095799.