Karel Širok

Quest articol chì l'è scrivud in lombard, con la Noeuva Ortografia Lombarda

El Karel Širok (Coeuj, 26 de otover 1889 - Begunje na Gorenjskem, 5 de sginer 1942) a l'è stad un poeta e scritor sloven, conossud soratut per i sò cunt e poesie per i bagaj.

Biografia

Nassud in la frazzion de san Martin a Coeuj, el se diploma maester a Capodistria del 1909 e 'l va a insegnà a Triest, indova che 'l deventa anca animador de varie inizziative colturai slovene de la cità. Del 1925 i fassista el manden via de l'insegnament e 'l fa san-Michel in del Regn di Serb, di Croat e di Sloven e per un poo l'ha insegnad a Črnomelj, per deventà poeu diplomategh: del 1926 al 1929 l'ha lavorad al consolad de Triest e del 1929 al 1938 a quell de Klagenfurt am Wörthersee, e l'è semper stad sota el controll de la polizzia di paes ospitant per quell temp, e 'l tegniva contat costant con Belgrad e con sgent compagna del Tone Batagelj, del Ferdo Kravanja e de l'Albert Ivančič, partesan contra l'ocupazzion fassista de part de la Slovenia e contra i italianizazzion forzade.

El 11 de sgiugn 1940 l'è menad via de la Gestapo, che 'l descovriss i so ligam cont el moviment TIGR, de ispirazzion panslavista e antifassista, e dopo trii mes l'è mandad via de la Germania e 'l torna a insegnà a Lubiana. Quand che i nazista invaden la Jugoslavia el scapa a Sarajevo ma el torna poeu a Lubiana, indova che l'è arestad di fassista italian che heven anetud la Slovenia in su domanda de la Gestapo: l'è portad a Triest e consegnad ai todisch a Klagenfurt, indova che l'è condanad a mort.

Portad un mes prima de la soa mort a Begunje, l'è fusilad lilinsì.

Riferiment

Slovenska Biografija

Alter proget

Wikimedia Commons el gh'ha dent imagin o alter archivi su Karel Širok