Karadžiću, vodi Srbe svoje
 |
Quest articol chì l'è scrivud in lombard, con la Noeuva Ortografia Lombarda |
Karadžiću, vodi Srbe svoje (in cirillegh Караџићу, води Србе своје, che 'l voeul dì "Karadžić, che 'l guida i soeu serb", ciamada anca Бог је Србин, o ben Dio l'è serb, o in ingles Serbia Strong) a l'è un cant de guerra in stil turbo-folk del temp de la guerra in Bosnia fad de formazzion paramilitar serbe e dedicad al Radovan Karadžić, president de la Republika Srpska condanad poeu 'me criminal de guerra.
Cont el temp l'è deventada un meme, doperad soratut in ciav anti-musulmana e in di ambient de destra alternativa, indova che l'è conossud con la scormagna de Remove Kebab. Quand che el 15 de marz del 2019 un terrorista l'è andad a sbarà in d'una moschea de Christchurch l'haveva mitud la canzon in machina, roba che l'ha menad vari social a toeu via la canzon.