Jovanka Jolić
 |
Quest articol chì l'è scrivud in lombard, con la Noeuva Ortografia Lombarda |
La Jovanka Jolić (cirillegh: Јованка Јолић; 1957 - Belgrad, 4 de sginer 2026) a l'è stada una personalità de internet e teorega del complot serba: la se ciamava "esperta de cospirazzion" e l'ha spantegad varie teorie in sui red sociai, e l'ha tacad a fàll del 2021 in sul canal Balkan Info.
In tra i so teorie, che inn deventade un meme cont el temp, gh'è:
- Che l'Elon Musk el ven de la Republika Srpska
- Che l'Egit l'era un stat serb
- Che i serb inn el popol pussee vegg del mond
- Che el Donald Trump l'è nevod del Lissander Magn e del Carlo Magn
- Che i chines hann fad un gran genocidi contra i serb, e che ghe n'è una mota sota la Gran Muraja
- Che Gesù l'era el fioeul del Giuli Ceser e de la Cleopatra
- Che gh'è un complot del Vatican e di sgiudee conta i serb
L'è stada mal in strada e l'è morta el 4 de sginer del 2026: vist che l'era senza ducument gh'è volud un quaj dì per identificàlla, ghe fann l'obet in del fopon de Lešće el des del mes.