Jugoslavia
 |
Quest articol chì l'è scrivud in lombard, con la Noeuva Ortografia Lombarda |
La Jugoslavia (in croat, sloven e serb Jugoslavija, in serb e macedon Југославија) a l'è l'entità che l'ha ministrad, per vari period e con vari tipi de istituzzion, la banda de lengua slava di Balcan ocidental: el nom el voeul dì Terra di Slav del Sud.
El Paes l'è fad su del 1929 a trasformà el Regn di Serb, Croat e Sloven in d'un stat pussee unitari, dopo de un colp de Stat che 'l fa su el Regn de Jugoslavia: in la segonda guerra mondial el Stat el va con l'Ass, ma un alter colp de stat el porta a l'invasion de l'Ass, che se spartissen el territori e fann su i Stat fantocc del Stat Independent de Croazzia, de la Serbia del Nedić e del Montnegher, miss in union personala cont el Regn d'Italia. La Resistenza jugoslava la libera el paes e la met su el Josip Broz Tito 'me leader che 'l fa su la Republega Socialista Federal.
La mort del Tito la mena a un cressiment del nazzionalism e al s'ciopà di guerre jugoslave, che deslighen el Paes in Slovenia, Croazzia, Republega Federal de Jugoslavia, che la deventa poeu Serbia e Montnegher e la se spartiss poeu in Serbia e Montnegher, Bosnia e Erzegovina e Macedonia, oltra al territori contestad del Kosovo.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Jugoslavia
