Ironem Moron

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

	«[...] et per governatore de Milano fu cridato el signor Ironimo Moron»
	(Gioann March Burigozz, Cronica Milanese, 1544)

L'Ironem Moron (italian: Girolamo Morone; Milan, 1470 - San Casciano in Val di Pesa, 1529) a l'è staa on nobel e politegh milanes, loeugh-tenent general e gran cangeler del Ducaa de Milan.

Biografia

El partegniva a ona fameja nobela milanesa. Del 1499 al 1512 l'è staa on sostegnidor di re de Francia, che aveven conquistaa el Ducaa de Milan. Poeu dopo l'è passaa cont el duca noeuv, el Massimilan Sforza: quell lì el l'ha mandaa 'me ambassador in del papa Leon X, e per compensall el gh'ha conzess la contea de Lecch (1513). Quand i Frances hann ciappaa anmò el Ducaa (1515) el Moron l'ha cercaa de fà de mediador, e soratutt l'ha cercaa di vantagg personai: ma i Frances gh'hann minga daa tropp a trà, perchè se fidaven pu.
In del 1521 i Sforza hinn tornaa in sul trono de Milan cont el duca Francesch II Sforza: a quell temp el Moron l'è vegnuu senator. Dopo de la Bataja de Pavia (1525), el papa Clement VII l'ha propost de mett in pee ona liga tra i Statt italian e la Francia, e l'Ironem Moron l'è staa del stess parer. Per 'sta reson, l'ha brigaa cont el Fernand Francesch d'Avalos (el capp di soldaa imperiai in Italia), e 'l gh'ha inzubii in cambi la corona de Napoli. Ma el d'Avalos el l'ha tradii, e inscì el Moron l'è finii in preson.
Dopo de 'sti event, el Moron l'è staa semper fedel a l'imperador, e l'ha anca compagnaa i soldaa todesch a Roma in del 1527.

A l'è mort duu agn pussee tard, in di operazzion militar contra Fiorenza.