Imper Latin de Costantinopel

De Wikipedia
Jump to navigation Jump to search
Quell articol qì l'è scrivud in Lombard, ortografia SL.
Imper Latin de Costantinopel
Imper Latin de Costantinopel - Stemma
Dats aministrativ
Nom ufiçal Imperium Romaniæ
Lengue ufiçale grec
Lengue parlade Grec, Latin, Frances
Capitala Costantinopel
Politega
Forma de govern Imper
Imperador Imperador Latin de Costantinopel
Nassida 1204 con Baldovin I
Causa IV Croxada e conquista latina de Costantinopel
Fin 1261 con Baldovin II
Causa Reconquista de Costantinopel
Territore e popolazion
Zona jeografiga Grecia e Anatolia
Relijon e societaa
Relijon principala Ortodossa
Relijon de Stat Catolega
L'Imper Latin e i so vassai
LatinEmpire.png
Evoluzion storega
Prima al g'era
Byzantine imperial flag, 14th century.svg
Imper Bizantin
L'è stait sostituid da
Byzantine imperial flag, 14th century.svg
Imper Bizantin

L'Imper de Romania[1], latin Imperium Romaniæ, congnossid ind la moderna storiografia come Imper Latin de Costantinopel o Imper Latin d'Orient, e ciamad dei Bizantin Ocupazion Latina,[2] l'è stait un stat croxad feudal fondad dei capi de la IV Croxada in sœ i terre bizantine conquistade.

Storia[Mudifega | mudìfica 'l sorgènt]

Despò de la conquista de Costantinopel ind el 1204, l'Imper l'è stait fondad come la continuazion de l'Imper Roman d'Orient, cond un imperador catoleg inscambe qe ortodoss.

Ol prim imperador l'è stait Baldovin I de Costantinopel, cont dei Fiander, incoronad ol 16 de maj 1204, e l'olter candidad a'l trono, ol Marqes del Montferrad Bonifaç, al ciapava ol titol de Re de Tessalonega, la segonda citaa de l'Imper dop la capital, come so vassal.

Despò d'una prima fas de success militar, sovertœt sota l'imperador Enric dei Fiander (1206 - 1216), l'Imper l'è plœ reussid a mantegn ol controll dei so vassai, e i continue guerre contra i Bulgar e i stats bizantin miga conquistads i ha portad a la so fin.

Ind el 1261 ol jeneral nicean Alexios Strategopoulos, intratant qe la flota veneziana con la guarnijon imperiala l'era ocupada ind el Mar Neger, al reconquista con adoma 800 omegn una Costantinopel sguarnida, grazie a una porta segondaria dervida da l'intern. Con la fraca de la flota tornada indree, l'imperador Baldovin II l'è costret a scapar da la citaa, e con Miqele VIII Paleologo l'è restabilid l'Imper Bizantin.

Ol titol de Imperador Latin l'è stait reclamad in Ocident fina al XIV secol.

Riferiments[Mudifega | mudìfica 'l sorgènt]

  1. (EN) Per la longa storia de "Romania" come nom territorial per l'Imper Roman e (plœ tarde) Bizantin, varda R.L. Wolff, "Romania: The Latin Empire of Constantinople". In: Speculum, 23 (1948), pp. 1-34.
  2. (EN) David Jacobi, The New Cambridge Medieval History, Volume V: c. 1198 - c. 1300, publicad ind el 1999, ISBN 0-521-36289-X, capitol The Latin empire of Constantinople and the Frankish states in Greece, pajine 525-542