HP-67/-97

Quest articol chì l'è scrivuu in lombard, grafia milanesa.

HP-67/-97 a hinn 'na familia de calcolatris programmabij a cartolina magnetica venduda dal 1976. La HP-67 a l'è de portà in gir, la HP-97 a l'è desktop cont la stampata termica integrada.

La HP-67 la costava 450$, la HP-97 750$.

Caratteristich

'Sti calcolatris gh'hann dent on set complett di fonzion statistich, trigonométrich, logaritmich e ingegneristich. La gh'ha ona memoria de programma de 224 word de 8 bit. Comparada ai 6 bit HP-65 la permetteva de salvà tucc i comand in d'ona word sola, anca quej daa cont pussee botton.

Ogni botton el pò avègh finna a 4 fonzion: Vuna normala, vuna G, vuna F e vuna H, che se ciamaven cont i botton relativ.

97-S

In del 1977 la sortìss la 97-S, cont ona porta seriala per ciappà dacc di dispositiv esterni. La costava $1'375.

Memoria e programmazion

La gh'ha 26 register de che 10, ciamaa primari, a hinn direttament accessibij, i àlter des a hinn alternativ e doperaa per di fonzion statistich, ses hinn per di fonzion definii de l'utente e ghe n'è vun che l'è on register indes, che 'l permètt de doperà i àlter in d'on array.

El lettor di cartolinn magnetich, compatibil cont l'HP-65 e l'HP-41C, el permett de salvà pussee dacc e programma, e pòden anca vèss combinaa. HP la vendeva di software preimpostaa per i scienziaa.

Galleria di foto

• 
  HP-67 con Blackbox
• 
  HP-67 pizzada
• 
  HP-97
• 
  Cartolinn magnetich HP
• 
  HP-97
• 
  HP-67 in programming mode

Vos corelaa

• HP-65