Guardia municipal
 |
Quest articol chì l'è scrivud in lombard, con la Noeuva Ortografia Lombarda |
La guardia municipal (in sloven Občinsko redarstvo, in italian guardia municipale[1]) l'è un orghen ministrativ che 'l dipend di comun de la Slovenia o de un consorzi fad su de pussee comun, con l'incaregh de fà respetà i lesg, soratut in materia de circolazzion stradal, e i ordinanze comunai, oltra che de favorì el mantegnì de l'orden publegh: anca se gh'hann minga poder di polee nazzionai poden dà di avis orai, identificà la sgent e anca fermàlla, se serv anca con la forza, fina a un'ora intant che se speta el rivà de la polizzia.[2][3]
La divisa e l'aspet di veicoi, tant 'me i qualifeghe, inn normad a nivell nazzional: el fà su de corp de sorveliant local l'è autorizad de la costituzzion de la Slovenia e del 2006 la noeuva lesg in su la Polizzia local e l'ann adree la noeuva lesg in su l'autogoverno local ghe dà pussee poder, prima se ocupaven domà del trafegh, che l'era l'unega competenza comunal.[3]
In di comun pussee pisinit el po vességh anca domà un oficial de guardia.[2]
Riferiment
[Modifega | modifica 'l sorgent]- ↑ it-IT Servizio intercomunale di guardia municipale • Capodistria. URL consultad in data 2026-01-02.
- 1 2 (SL) Občinsko redarstvo | GOV.SI. URL consultad in data 2026-01-02.
- 1 2 Saša Kuhar e Bojan Tičar, Legal Regulation of the Slovenian Police and the Municipal Warden Service (PDF), in VARSTVOSLOVJE, Journal of Criminal Justice and Security, anno 18, nº 4.