Grande Nord
| Grande Nord | |
|---|---|
| Confederazione Grande Nord | |
| President | Roberto Bernardelli |
| Stat |  |
| Fondazion | 12 de dicember 2017 |
| Ideolojia | Autonomism Federalism Independentism padan |
| Coalizion | Libertà |
| Color | Bloeu e bianch |
| $fine | |
El Grande Nord a l'è on partii politegh italian attiv in l'Italia del Nord de ideologia liberalista e federalista. L'aderiss al Manifest de Oxford e ai valor de l'Internazionala Liberala.
Storia[Modifega | modifica 'l sorgent]
El partii el nass in del magg 2017 dòpo di primari de la Liga che han reconfermaa el roeul de Matteo Salvini segretari cont l'obietiv de insubì on partii federalista che 'l faga de "sindacaa territorial" compagn del SVP del Südtirol.
L'ha tolt dent sia di ex leghista de stampo bossian come 'l Marco Reguzzoni e 'l Marco Desiderati sia di alter ch'eren sortii giamò prima 'me 'l Giulio Arrighini e 'l Roberto Bernardelli oltra a di independentista de la zona veneta 'me 'l Fabrizio Comencini, fondator de la Liga Veneta Repubblica.
L'Umberto Bossi l'ha tolt part a la conferenza de fondazion del partii ma l'ha scernuu de deventà no mèmber.
Ai elezion regionai lombard del 2018 l'ha candidaa el Giulio Arrighini president e 'l ciappa nissun scagn.
El riess a ottegnì di resultaa in di elezion comunai del 2018, cont el 9% a Lonaa Pozzoeu e in del midemm period el ciappa, per la mort de 'na consiliera de la Liga, el primm reppresentant al Consili del Municipi 2 de Milan, el Fulvio Novaresi, che però el sortiss poeu del partii.
In l'ottober 2019 l'aderiss, domà in Veneto, al Partii di Veneti. In di elezion amministrativ de Milan del 2021 el scerniss de sostegnì el Gianluigi Paragone, che 'l entra no in consili per pocch, ma ciappen pocch de preferenz.
In di elezion politegh del 2022 se candiden no e ciamen a l'astension.
In di elezion europee del 2024 vann insemma a la lista Libertà del Cateno De Luca, incentrada in sul sò partii Sud el ciama Nord, anca se el Reguzzoni el scerniss de corr con Forza Italia.
Riferiment[Modifega | modifica 'l sorgent]
Ligamm de foeura[Modifega | modifica 'l sorgent]
- Sitt offizial Arqiviad qé: [1]