Giovann III Vescont
(Rimandad de Giovann III Viscont)
El Giovann III Vescont (Milan, ... - Milan, 9 de marz 1453) l'è staa 'n arcivescov cattolegh milanes.
Biografia[Modifega | modifica 'l sorgent]
Member de la familia nobil di Vescont e donca parent de alter arcivescov compagn del Giovann Vescont e de l'Otton Vescont, l'è staa arciprevet e poeu arcivescov de Milan in del period 1409-1417, revocaa poeu in del Concili de Costanza e 'l resta foeura de la religion attiva finna al 1450. In del 1450, borlada la Republega Ambrosiana e tornaa el Ducaa sotta i Sforza, el Franzesch l'otegn de nomenàll arcivescov, finna a la soa mort. In del sò brev vescovaa el reorganizza el capitol del Domm de Milan e 'l favoriss fiss l'Ospedaa de San Barnabà al Broeul, predecessor de l'Ospedaa Maggior de Milan e 'l ghe destina 810 ducaa d'or l'ann.
Bibliografia[Modifega | modifica 'l sorgent]
- Eugenio Cazzani, Vescovi e Arcivescovi di Milano, Milano, Massimo - Ned, 1996.
- Lodovico Antonio Muratori, Annali d'Italia, dal principio dell'era volgare sino all'anno MDCCL
- Giovanni Giuseppe Vagliano, Sommario delle vite ed azioni degli arcivescovi di Milano da S. Barnaba sino al governo presente, Milano, Malatesta, 1715. URL consultad: 8 maggio 2015.