Giòtto

Quest articol chì l'è scrivuu in lombard, grafia milanesa.

Litratt pòstem del Giòtto

L’Ambrosòtt de Bondon (z. 1267 – 8 de sgenee del 1337), cognossuu mej coma Giòtto, l’era on pencior e architecc fiorentin attiv duranta la tarda Etaa de Mez. L’ha lavoraa ind i period gòtegh e pròto-renassimental. El Giovanni Villani l’ha scrij che el Giòtto al sò temp a l’era on majester de la picciura, e ch’el dissegnava tucc i sò figur e postur in accòrdi con la natura; l’era ancasì recognossuu publegament coma on artista de talent e zellenza. El Giorgio Vasari l’ha dij che el Giòtto el s’era pròppi destaccaa de l’istil bizantin prevalent a Fiorenza e che l’haveva daj l’inviada a la granda art de la picciura coma la se cognoss incœu, con l’introdù la tecnega del dissegnà accuratament a partì de la vita, che l’era staja lassada al bandon de pussee de dusent agn.

L’œuvra majestra del Giòtto l’è el zorniment de la Cappella di Scrovegni a Padova, completada intoren al 1305. El zicli de fresch el figura la vita de la Madòna e quella del Signor. L’è consideraa coma vun di lavorà pussee bej del Primm Renassiment.

El facc che el Giòtto l’haveva depensgiuu la Cappella di Scrovegni e che l’era staj zernii del Commun de Fiorenza ind el 1334 per progettà el nœuv campanin del Dòmm inn intra i pòcch zertezz quò a la vita sova de lu. Asquas ògna òlter aspett de la sò esistenza l’è ogett de descussion: la datta del sò nassiment, i sò fattezz, indova l’ha faj el prendis, l’orden ind el qual l’ha faj su i sò œuver, se l’ha picciuraa o nò i fresch famos de la Basilega de San Franzesch a Assisi, e el sitt indova l’hann miss sòtta.

Òlter progett

Altri progetti

• Wikisource
• Wikiquote
• Wikimedia Commons

• Wikisource el gh'ha dent una pagina dedicada a Giòtto
• Wikiquote el gh'ha dent citazzion de o su Giòtto
• Wikimedia Commons el gh'ha dent imagin o alter archivi su Giòtto