Gianda (frut)

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
bussola Disambiguazión – Se te see dree a cercà l'orghen del corp, varda Gianda (anatomia).
Esempi de gianda

Cont el termen gianda se indega el frut di roghere[1], alber del gener Quercus (Europa), de Lithocarpus (Asia e Nord Amerega) e de Cyclobalanopsis (Asia) in de la familia Fagaceae.

Descrizzion[Modifega | modifica 'l sorgent]

Giande de Quercus ilex

A l'è un frut sech e del tip acheni, quatad domà in part de una cupola, la contegn de norma un singol sem (rar, du). La gh'ha una forma squas cilindrega. I carateristeghe morfologeghe di giande costituissen un important element diagnostegh in de la determinazzion a nivell specifegh del gener Quercus.

I giande representen un'important part de la dieta de tant animai: usei (coma per es. i gasgie, i pivion, un quai anseriform e tante spece de picozz), mamifer piscinit (es. rat, sghirat). Olter mamifer de grossa e media taja coma cengiai, ors e cerv se nudren de giande che poeuden representà in fina al 25% de la so dieta autunala.

I giande contegnen, in percentuai variabel a segonda de la spece, una granda quantitaa de proteine, carboidrad, grass, minerai e vitamine.

Un temp vegniven doperade coma alimentazzion per i porscell per l'elevad podé nudritiv del frut. Incoeu, la gianda coma mangià principal per i suin a l'è ancamò doperada in Spagna[2] e in Italia (Calabria) per la produzzion de qualitaa pregiade de giambon coma quell de Suin Negher[3].

Note[Modifega | modifica 'l sorgent]

  1. Ghianda
  2. Maiale iberico puro alimentato a ghiande. URL consultato in data 21 settembre 2016.
  3. Razze suini: Calabrese

Bibliografia[Modifega | modifica 'l sorgent]

Ligam de foeura[Modifega | modifica 'l sorgent]

  • (EN) Gianda, in su Enciclopedia Britanega, Encyclopædia Britannica, Inc.