Giancarlo Morandi
El Giancarlo Morandi (Milan, 28 de dicember 1939) a l'è 'n politegh italian, president del Consili Regional de la Lombardia del 1995 al 2000.
Biografia[Modifega | modifica 'l sorgent]
Ingegnee de formazion, l'è iscritt in gioventura al Partii Liberal Italian, l'ha tolt part a la fondazion di Goliard Independent, finna a deventànn president nazional.
In di agn '80, dopo vess staa foeura de la politega per on des agn el torna attiv in del PLI e in del 1987 l'è nomenaa Secretari Regional. In del 1992 l'è nomenaa vice-president de la Gionta Regional e l'è assessor al belancc e al turism, roeul che 'l tegn finna al 1995, in del midemm period l'è president de AINEVA, sociazion di region italian per la sicurezza in montagna.
In del 1995 l'è rielegiuu consiliee regional e l'è votaa 'me President del Consili Regional, finna al 2000.
Del 1997 al 1998 l'è Vicepresident de la Conferenza di President di Consili Regionai e di Provinz autonom e l'ha favorii in 'sto roeul el nass de la Conferenza Europea di Assemblee Legislativ.
Fornii el mandaa 'me president l'è nomenaa, finna al 2010, president de la sociazion di consiliee regional lombard.
El s'è poeu assee impegnaa per l'ambient, l'è staa mèmber de la Foundation for Environmental Education, de la Green Cross, del Consili Nazional de l'Economia Verda e president del Cobat, dedicaa al riciclà i batterii.
Del giugn 2014 al 2020 l'è staa secretari nazional del Partii Liberal Italian, partii che poeu l'ha mollaa per deventà president onorari de la noeuva formazion di Liberista Italian.