Gesa di Spos
|
«L'è el sit di spos, el sit di forestee,
gh'è on santuari e gh'è i pittur d'Appian, che fann corr tutt el mond inanz indree.» |
(Giovanni Ventura)
|
La Gesa di Spos (in italian: Chiesa di Santa Maria presso San Celso) a l'è ona gesa catolega de Milan.
La se troeuva in del center de Milan, in Cors Italia (on temp Borgh de San Cels), arent a la veggia Gesa de San Cels.
El nomm in milanes[Modifega | modifica 'l sorgent]
La se ciama la gesa di Spos perchè la tradizzion milanesa la voreva che i sposinn, dopo del matrimoni, a portassen on mazzett de fior a la Madona dent in de la gesa.
Storia[Modifega | modifica 'l sorgent]
S'è comenzaa a falla su in del 1493, con l'obiettiv de trà in pee on santuari per tegnì dent ona statoa de la Madona (ciamada la Madona di Spos[1]). Cont el passà del temp gh'è staa giontaa anca on portegh. La gesa a l'è stada vun di primm edifizzi de Milan a vess staa faa per intregh cont el stil del Renassiment.
A partì del 1950 l'è stada deciarada basilega minor.
Varda anca[Modifega | modifica 'l sorgent]
Referiment[Modifega | modifica 'l sorgent]
- ↑ Amalia Gola Sola, Milan al ciar d'on ciarin, Milan, 1966
Alter progett[Modifega | modifica 'l sorgent]
Wikimedia Commons el gh'ha dent imagin o alter archivi su Gesa di Spos
