Gesa di Badesse
 |
Quest articol chì l'è scrivud in lombard, con la Noeuva Ortografia Lombarda |
La gesa di Badesse a l'è una gesa del quarter milanes de la Maggiolina, che la dipend de la gesa salesiana de San Gustin.
Fada su in tra el secol XVI e XVII 'me part de la Cassina di Badesse, che l'era dent al monasteri gustinian de la cità: sostegnuda de 'na donazzion de la contessa Marliani, intorna al 1724 l'è decorada del Peder Magg.
La gesa l'ha cambiad varie voeulte el so patron: prima santa Teresa, poeu santa Maria, poeu san Vital e, del 1796, i sant Carlo e Vital, che inn ancamò i so titolar. Fina al 1782 la dipendeva de la Gesa de San Bartolamee, quand che l'è passada a la Gesa de Santa Maria a la Fontana e, infin, del 1932 ai salesian.
Geseta picinina a navada unega e cont un campanin propi picinin, intorna al 1980 gh'hann metud una tavola de legn per dì la Messa segond i indicazzion del Concili Vatican II.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Gesa di Badesse
