Gesa de Sant Antoni abaa (Milan)
 |
Quest articol chì l'è scrivud in lombard, con la Noeuva Ortografia Lombarda |
La gesa de Sant Antoni abaa a l'è una gesa manerista de Milan, che la se troeuva in tra el Dom e la Cà Granda: fada su in del stil de adess vers la fin del 1500, intorna al 1200 la ospitava i fradei antonian, che se ocupaven de curà i malann grev de la pell, quand che 'l Franzesch Sforza el met tucc i ospedai insema in la Cà Granda el convent l'è passad ai Trivolz, che 'l guarnen fina a la segonda mità del Cinchcent.
La gesa l'è ciapada di teatin e l'è restruturada segond i canon de la Contrareforma e 'l 17 de sginer del 1773 el Wolfgang Amadeus Mozart ghe sona, per la prima voeulta, l'Exsultate, jubilate in sul so orghen. Soprimuda del Napoleon, l'è doperada 'me caserma, pretura, tribunal magazin prima de vesser recuverada in del principi del secol XX.
L'è part de la Comunità Pastorala di Sant Apostoi, insema a la Gesa de San Nazar, la Gesa de San Franzesch de Sales, la Gesa del Paradis, la Basilega de San Calimer e la basilega de Sant'Ufemia.
L'è gestida de la Fondazzion Ambrosiana di Atività Pastorai e l'è visitabel grazzia al sostegn di volontari del Touring Club Italian: l'è doperada anca per concert e event, ma se dis minga la Messa.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Gesa de Sant Antoni abaa (Milan)
