Gesa de Sant'Anna (Baregg)
La gesa de Sant'Anna l'è ona gesa de Baregg, sussidiaria de la parrocchia de la Madonna Pellegrina Mutilada, in de la Città metropolitana e arcidiocesi de Milan, e la fa part del decanaa de Magenta, in de la zona pastorala IV de Rò.[1][2]
Storia
[Modifega | modifica 'l sorgent]Ona gesa in del loeugh la gh'era giamò del XIII secol, come testimoniaa del Liber Notitiae Sanctorum Mediolani e confermaa in del Settcent del Cadaster Teresian: l'antiga gesetta l'è stada trada giò in di agn '30 per permett la costruzion, in del 1935, de ona gesa noeuva, adattada ai besogn de la popolazion.[1]
Istituida in del 1957 comè sede parrocchiala, dopo l'attentaa a la statua de la Madonna del 1948 l'ha ospitaa temporaneament la statua fina a la costruzion del santuari de la Madonna Pellegrina Mutilada, che, finii in del 1960, l'è deventaa sede parrocchiala in del 1986.[2][3]
In del 1993 l'è stada oggett de on restaver interno che l'ha previst anca l'adeguament liturgich.[1]
Architettura
[Modifega | modifica 'l sorgent]La gesetta la gh'ha ona pianta rettangolar con on'unega aula, on presbiteri e ona torr campanaria.[1] In de l'intern, i pared hinn quattaa de stabilituda ciara, menter el presbiteri l'è insciorii con on decor in stucch che 'l par marmor, lesen e on timpan che 'l gh'ha dent el tabernacol, fiancaa de pittur de arch con paesagg collinar.[1] La facciada, in matton a vedè, la presenta on tecc a capanna, on zoccor in preja e detaj in ciment bianch, con on cornicion decoraa de ona dentelladura in còtt.[1] El lat dritt de la gesa l'è tutt stabiliduraa e tinteggiaa.[1]
Riferiment
[Modifega | modifica 'l sorgent]- 1 2 3 4 5 6 7 it-IT Bareggio (MI) | Chiesa di Sant'Anna. URL consultad in data 2025-02-20.
- 1 2 Parrocchia della Madonna Pellegrina, 1957 - [1989 – Istituzioni storiche – Lombardia Beni Culturali]. URL consultad in data 2025-02-20.
- ↑ Le pietre raccontano. URL consultad in data 2025-02-20.