Gesa de San Maurizzi (Monscia)

De Wikipedia
Lumbard ucidental Quest articol chì l'è scrivuu in lombard, grafia milanesa.
El denanz de la gesa.

La gesa de San Maurizzi (italian: chiesa di San Maurizio), giamò conossuda 'me gesa de Santa Margaritta, a l'è ona gesa del center de Monscia.

Storia[Modifega | modifica 'l sorgent]

La gesa che gh'è adess la se troeuva sora el vegg monestee de Santa Margaritta, faa su di Umiliaa in del secol XIII. La gesa l'era stada sgrandida in del 1469: el sò monestee l'è conossuu per vess quell de la Marianna de Leyva (1575-1650), la "Monega de Monscia" del romanz del Lissander Manzon.
Al princippi del secol XVIII la gesa l'è ormai deroccada, tant l'è vera che in del 1736 la ven restavorada. In del 1785 el monestee el ven saraa su e la gesa la ven desconsacrada. La pupart di costruzzion ligaa a la gesa la ven trada giò, e al dì d'incoeu ghe 'n resta domà on quai tocchellin, sconduu dent a di condomini tiraa su in del secol XX.
In del 1881 la gesa la passa sotta el controll del Domm e la torna a vess consacrada, e la ven dedicada a San Maurizzi (prima el se ciamava inscì on olter gesioeu traa giò per slargà la via Vitori Emanuell, lì arent).

Alter progett[Modifega | modifica 'l sorgent]