Gesa de San Martin (Nember)
La Gesa de San Martin a l'è el principal sitt de cult de la città de Nember, in la provincia e diocesi de Bergom.
Storia[Modifega | modifica 'l sorgent]
'Na gesa dedicada al San Martin a l'è giamò segnalada in del secol quell de 8, in tra i pussee antigh de la Diocesi e la deventa cont el temp la piev la pussee importanta de la bassa Val Seriana. In del 1304 la Gesa la partecipa al sinodo bergamasch vorzuu del Giovann de Scanz e in del 1360 la compariss in la nota ecclesiarum vorzuda del Bernabò Vescont.
De la prima gesa gh'hemm pu nissuna testimonianza, menter de la gesa del '400 la resta 'n arch e in del 1468 el papa Paol II la ghe da di benefici, insemma a la Gesa de San Bernardin a Lai. In del 1520 el Peder Lippomano, in la soa visita pastorala, la segna 'me paroquia.
In del 1752 la scomincia la costruzion de 'na noeuva gesa pussee adatta a la noeuva domanda progettada del Luca Lucchini. La noeuva gesa l'è consacrada del Giovanni Paolo Dolfin in del 1777.
Descrizion[Modifega | modifica 'l sorgent]
La Gesa la gh'ha el classegh orientament a est e 'n gran sagraa in porfid. L'interno a l'è a cros greca e 'na scalinada de sett scarin la mena al presbiteri. Dent gh'è di lavorà de l'Antonio Cifrondi e de l'Enea Salmeggia.