Gesa de San Lorenz (Malnoè)
 |
Quest articol chì l'è scrivud in lombard, con la Noeuva Ortografia Lombarda |
La gesa de San Lorenz a l'è una badia che la se troeuva a Malnoè, vun di quarter de Milan che prima el partegniva ai Corp Sant: l'è denter al parch Malnoè.[1]
Storia
[Modifega | modifica 'l sorgent]La gesa l'è stada fada su di Umiliad che staven de cà a Brera intorna al 1267 e ghe stava adree al so solit stil: una cassina con tut quell che serviva per viver de agricoltura, cont anca un molin, guarnad fina al dì d'incoeu.[1][2]
Del 1584 l'orden di Umiliad a l'è scassad e, donca, la gesa l'è fada parochial: in l'istess temp a l'è restruturada e modifegada per i noeuv besogn e, per el secol XVIII, la gh'ha quater capelle.[1] In tra el 1875 e 'l 1877 ghe fann un noeuv restaver, sota la guida de l'architet Allemanini.[1]
Architetura
[Modifega | modifica 'l sorgent]La gesa, in stil romanegh lombard, la gh'ha domà 'na nav de forma retangolar e al so nord gh'è el campanin: l'altar magior, oeuvera del Luis Sala de Morsencc, el gh'ha denanz un slargament in legn, che 'l permet de doperà una tavola eucaristega adata ai principi del Concili Vatican II. [1]
De la nav se va dent a do capelle, vuna dedicada, se pensa, al Sant Antoni abad e l'oltra a la Madona col Bambin: de mancina se va dent a una sezzion spartida cont el batisteri e una statua del Gesù Bambin.[1]
La faciada la regorda quella de la gesa mader de Santa Maria de Brera.[3]
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Gesa de San Lorenz (Malnoè)
