Gesa de San Giovann in Conca
 |
Quest articol chì l'è scrivud in lombard, con la Noeuva Ortografia Lombarda |
La Gesa de San Giovann in Conca (nom original paleocristian basilica evangeliorum) a l’era una gesa che se trovava in Piazza Missori a Milan che gh'è restad domà la cripta e l'absid. L'è stada fada su a la fin del period imperial roman in tra el secol V e VI in stil prim cristian e poeu ancamò in del Medioev in stil romanegh . In origin a l'era dedicada ai evangelista, de chinscì el nom cristian basilica evangelior. Dopo a l’è stada dedicada al Giovann apostol e evangelista. El termen "in Conca" in del nom de la cripta ‘l regorda una depression in de la terra indovè che hann fad su la basilica basilica pussee inanz. La basilica a l'è stada trada sgiò in tra el 1948 e il 1952 per reson de trafegh. A l'era voeuna di basilighe paleocristiane de Milan.
Storia
[Modifega | modifica 'l sorgent]De dent ai mur roman de la cità a gh'era una basilega paleocristiana dedicada a San Giovann Evangelista e ciamada "in Conca" per la depression del terren intorna. La misurava 53 x 7 meter con pianta a aula unega e absid semicircolar, che i fondazzion se veden anacamò adess. Cont i istess proporzion l'è stada fada an'mò in del secol XI e poeu in del 1162 dopo i distruzzion del Federegh Barbarossa. In questa fas chì la basilega la gh'haveva un campanin de 24 meter, l'era spartida in tre navade e la gh'haveva un transet e un tiburi central. In su la faciada a gh'era un bus con dent el bust de San Giovann Evangelista in del calderon de oeuli sbrujent che la tradizzion la dis che ghe l'ha metud l'imperator Domizzian ma lu l'ha minga patid.
Dopo la segonda guerra mondial la gesa a l'è stada trada sgiò in tra el 1948 e 'l 1952 per reson de trafegh, in particolar per fà su el l'ass viari de via Albricci-piazza Missori.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Chiesa di S. Giovanni in Conca
