Gesa de Mater Amabilis
 |
Quest articol chì l'è scrivud in lombard, con la Noeuva Ortografia Lombarda |
La gesa de Mater Amabilis a l'è una parochial de Milan, in cità metropolitana e arcidiocesi de Milan.[1]
Storia
[Modifega | modifica 'l sorgent]La gesa a l'è fada su del 1956 in l'area de la Fera Campionaria, in d'un spazzi crompad temp indree del mons. Alfonso Zanolli.[1]
A l'era part de 'n proget de l'arcivescov Montini per voltà el numer de parochie in la cità, che l'haveva vist un gran cressiment de la popolazzion in tra el boom economegh e l'imigrazzion de la Bassitalia.[2]
In tra el 1970 e 'l 1979 a l'è restruturada, con l'adatament liturgegh del presbiteri e la costruzzion de cinch diaframa in ciment per fà pussee forta la strutura.[1]
Architetura
[Modifega | modifica 'l sorgent]La gesa a l'è dent de un palazz, al prim pian, insema a la canonega e ai ofizzi de la parochia: la faciada la regorda vuna a salient, cont un roson orb.[1]
Dent la gh'è 'n unega nav decorada propi poch, vist che la decorazzion principala l'è quella di vedrade.[1] El presbiteri l'è dent a una volta a bot e l'è tirad su de trii basellon.[1]
Riferiment
[Modifega | modifica 'l sorgent]- 1 2 3 4 5 6 it-IT Milano (MI) | Chiesa di Mater Amabilis. URL consultad in data 2024-08-16.
- ↑ it-IT Il sogno di Montini diventato realtà: una chiesa in ogni quartiere – Chiesa di Milano. URL consultad in data 2024-08-16.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Gesa de Mater Amabilis
