Georg Gänswein
|
Quest articol chì l'è scrivud in lombard, con la Noeuva Ortografia Lombarda |
El Georg Gänswein (parnonzia: [ˈɡeːɔʁk ˈɡɛnsvaɪn]; Riedern am Wald, 30 luj 1956) a l'è un arcivescov catolegh e diplomategh todesch, del 24 de sgiugn 2024 nonzi apostolegh in Letonia, Lituania e Estonia.
L'è anca vun di canonegh de la catedral de Friborgh in Brisgovia.
Biografia
[Modifega | modifica 'l sorgent]Fioeul de una familia storega de ferrer, el gh'ha cinch fredei: el studia teologia in Baviera e a Roma e del 1982 l'è ordenad diacon e poeu, el 31 de masg 1984, presbiter de l'Oskar Saier. Del 2003 l'è secretari personal del Joseph Ratzinger e del 2005, a l'elezzion del Ratzinger al soeuj de Peder, l'è confermad, e del 2006 l'è fad anca prelad d'onor de Soa Santità.
El 7 de dicember 2012 l'è fad prefet de la Cà Pontificia e ghe dann la sede titolar de Urbisaglia e 'l 6 de sginer de l'ann adree l'è ordinad vescov del Papa midem. Anca dopo che 'l Benedet el se dimet de Papa el resta el so secretari particolar e l'è confermad del Franzesch 'me Prefet, roeul che 'l lassa el 28 de fevrer 2023: a luj el torna, in su indicazzion del Papa, in l'arcidiocesi de Friborgh in Brisgovia.
El 24 de sgiugn 2024 l'è nomnad del Papa nonzi apostolegh in di Paes baltich.
Genealogia episcopal
[Modifega | modifica 'l sorgent]- Cardinal Scipione Rebiba
- Cardinal Giulio Antonio Santori
- Cardinal Girolamo Bernerio, O.P.
- Arcivescov Galeazzo Sanvitale
- Cardinal Ludovico Ludovisi
- Cardinal Luigi Caetani
- Cardinal Ulderico Carpegna
- Cardinal Paluzzo Paluzzi Altieri degli Albertoni
- Papa Benedet XIII
- Papa Benedet XIV
- Papa Clement XIII
- Cardinal Bernardino Giraud
- Cardinal Alessandro Mattei
- Cardinal Pietro Francesco Galleffi
- Cardinal Giacomo Filippo Fransoni
- Cardinal Antonio Saverio De Luca
- Arcivescov Gregor Leonhard Andreas von Scherr, O.S.B.
- Arcivescov Friedrich von Schreiber
- Arcivescov Franz Joseph von Stein
- Arcivescov Joseph von Schork
- Vescov Ferdinand von Schlör
- Arcivescov Johann Jakob von Hauck
- Vescov Ludwig Sebastian
- Cardinal Joseph Wendel
- Arcivescov Josef Schneider
- Vescov Josef Stangl
- Papa Benedet XVI
- Arcivescov Georg Gänswein
Onoreficenze
[Modifega | modifica 'l sorgent]- Baviera: Orden al Merit de la Baviera
- Germania: Cros al Merit de I Class
- Italia: Gran Ofizzial de l'Orden al Merit de la Republega Italiana
- Austria: Orden al Merit de la Republega Austriega
- Romania: Comendator de l'Orden de la Stella de Romania
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikiquote el gh'ha dent citazzion de o su Georg Gänswein
Wikimedia Commons el gh'ha dent imagin o alter archivi su Georg Gänswein
