Gavrilo Princip
 |
Quest articol chì l'è scrivud in lombard, con la Noeuva Ortografia Lombarda |
El Gavrilo Princip (Obljaj, 25 de luj 1894 – Terezín, 28 de avril 1918) a l'è stad un patriota e terrorista serb-bosniach, autor material el 28 de sgiugn del 1914 de l'atentad de Sarajevo indova che l'ha copad a colp de pistola l'ered al trono de l'Austria-Ongaria Franzesch Ferdinand e la soa mier Sofia, che l'ha menad poeu al s'ciopà de la prima guerra mondial.
El partegniva al moviment de la Sgioven Bosnia e dent el se svesina al moviment nazzionalista armad de la Man Negra: arestad insema a l'amis Nedeljko Čabrinović el proeuva a mazzàss prima con del tossegh, che 'l gomita, e poeu a sbaràss, ma ghe toeuven via la pistola prima che ghe la faseva, desgià che l'era trop sgioven per vesser condanad a mort l'è condanad a vint agn de preson ma el moeur dopo quater agn 'me presoner per la tisi.
Al dì d'incoeu in Serbia l'è vist 'me un eroe nazzional in lota contra el domini forester in sui slav, menter in Austria l'è vist domà 'me un terrorista: al dì d'incoeu la storia la pensa che el fuss domà una pedina in d'un pian ben pussee grand.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Gavrilo Princip
