Fradellanza e unità
 |
Quest articol chì l'è scrivud in lombard, con la Noeuva Ortografia Lombarda |
Fradellanza e unità (in serbo-croat Bratstvo i jedinstvo, in macedon Братство и единство, in sloven Bratstvo in enotnost, in albanes Bashkim dhe Vëllazërim) a l'era el motto de la Republega Socialista Federal de Jugoslavia, catad foeura del 1941 del Josip Broz Tito per mostrà el noeuv spirit che 'l voleva per la noeuva Jugoslavia, indova che quell che l'era in comun l'era pussee important di division de lengua, de religion e de etnia.
L'è stad anca el nom de un orden cavalleresch del Paes e de 'n autostrada che la conligava Lubiana, Zagabria, Belgrad e Skopje. Andà contra a 'sto principi a l'era un riat in del Paes, e per 'sto crimen chi inn stad condanad personagg tant 'me el Stjepan Mesić, el Franjo Tuđman, l'Alija Izetbegović e 'l Vojislav Šešelj.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Fradellanza e unità
