Forza de gendarmaria europea
 |
Quest articol chì l'è scrivud in lombard, con la Noeuva Ortografia Lombarda |
La Forza de gendarmaria europea (breviad Eurogendfor) a l'è un corp de polizzia a ordenament militar fad su a nivell de l'Union europea e ativ del 2004: el gh'ha dent l'Arma di Carabiner italiana, la Gendarmaria Nazzional franzesa, el Servizzi de Publega Sigurezza lituan, i Koninklijke Marechaussee olandes, la Gendarmaria militar polaca, la Guardia Nazzional Republegana portoghesa, la Guardia Civil spagnoeula e la Gendarmaria romena.
El so mester l'è minga quell de sostituì i forze nazzionai, ma de favorì la collaborazzion in tra de lor e de vesser doperada foeura de l'Union: inn stad mandad in Bosnia e Erzegovina, in Afghanistan, in la striscia de Gaza e a Haiti dopo el gran terramot del 2010 per dà una man.
La Guardia de frontera de la Finlandia l'è partner de l'Eurogendfor, inn di osservador la Gendarmaria bulghera, la Jandarma turca, i Carabiner moldav e la Guardia Nazzional de l'Ucraina.
Ligam de foeura
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Forza de gendarmaria europea
