Formula magica
La formula magica a l'è la formula tradizionalment doperada per spartì i sett scagn del Consili Federal Svizzer in tra i quatter partii pussee grand, doperada dal 1959 e modifegada in del 2003.
Storia[Modifega | modifica 'l sorgent]
La formula a l'è mittuda per la prima voeulta in del 1959 e l'è cambiada in del 2003, quand che l'UDC la ciappa el 29% di vot e l'ha pretenduu de 'vègh on segond scagn inveci del Partii Popolar Democrategh.
In l'autun 2007 l'è elegiuda la Eveline Widmer-Schlumpf, che l'è espulsa de l'UDC per avè sostituii el leader Christoph Blocher. Lee, insemma a l'alter consiliee UDC Samuel Schmid, la fonda el Partii Borghes Democrategh Svizzer, e donca l'UDC la resta sènza reppresentanza in del Consili finna al 2008, cont i dimission del Schmid. In del 2015, dopo del bon resultaa de l'UDC, la Widmer-Schlumpf la nonzia de corr no per on noeuv mandaa, e donca a l'è elegiuu consiliee Guy Parmelin, de l'UDC.
Formula de incoeu[Modifega | modifica 'l sorgent]
- Partii liberal-radical svizzer: 2 scagn
- Partii Socialista Svizzer: 2 scagn
- Union Democratega de Center: 2 scagn
- Partii Popolar Democrategh: 1 scagn