Federigh II de Svevia
El Federigh Ruggee de Hohenstaufen (Jesi, 26 de dicember del 1194 – Fiorentino di Puglia, 13 de dicember del 1250) l'è staa el Re de Sicilia, de Gerusalemm, Duca de Svevia e Sacher Roman Imperator. Grand fautor de la coltura in Sicilia, l'ha recolt i trobador in fuga de l'Occitania che poeu han daa origin a la scoeula poetica siciliana, vun di primm esempi de poesia letteraria in d'ona lengua romanza.
A nivell politegh l'era avversari del feudalesim, e l'ha minasciaa tant el Stat Pontifizzi, tant de ciappà dò scomunegh. Se in Sicilia l'è staa bon de sostituì la nobiltà cont i sò fonzionari, in Lombardia l'è staa fermaa de la Liga Lombarda.